شرح طريقة عمل الجزر المخلل
فى المواضيع السابقه استعرضنا كيفية عمل بعض انواع المخللات ( مخلل الليمون المسلوق - مخلل الزيتون بانوعه )
النهاردة هنكمل باقى انواع المخلل المعروفة و موضوعنا ده هنتعلم فيه مع بعض طريقة عمل مخلل الجزر بالمقادير و التفاصيل
المقادير
كيلو جزر مقطع
لتر مية
ربع كوباية ملح
ربع فنجان خل
فلفل احمر حامى
فصين توم (اختيارى)
عودين كرفس (اختيارى)
عصير ليمون
طريقة تخليل الجزر
هنغسل الجزر طبعا ونقطعه لوكبير بالقطاعة دى
ولو حجمه صغير يبقى هنحطه بحاله كامل بدون تقطيع
ونحضرالخلطة بتاعتنا خدى الفلفل والملح والكرفس واهرسيه فى الكبة
وبعدين ضيفيه على الجزر وحطى المية و الخل وفصين التوم سلام
واقفلى عليه تقريبا 10 ايام او اسبوعين
اللى مبيحبش الطعم المسكر بالجزر يبقى قدامك حل من اتنين يااما تقطعيه وترشيه بملح وشطة فى مصفاة وتسيبيه ينزل المية والسكر ويمتص الملح
يااما تسلقيه دقيقة واحدة فى مية بملح
تعليقات
إرسال تعليق