تحضير خلطة بهارات شاورما اللحم والفراخ
السلام عليكم ورحمته وبركاته
النهاردة هنعمل خلطة بهارات للشاورما سواء كانت لحمة او فراخ هى خلطة واحدة الاختلاف فى التتبيلة بسودى بتسهل علينا كتير جدا فى الشغل لان مكوناتها كتير ومش هنحفظها كل مرة فانا باعمل الخلطة وتبقى جاهزة عندى دايما
يدوبك معلقة ولا اتنين على التتبيلة وشكرا المرة الجاية هانزلكم شاورما اللحم بطريقتين وبعدها الفراخ
المكونات
- 1 ملعقة طعام كسبره ناعمة .
- 1ملعقة طعام كمون ناعم .
- 1 ملعقة طعام ثومبودرة .
- ½ ملعقة طعام بابريكا .
- 1 ملعقة شاي كركم .
- 1 ملعقة شاي زنجبيل ناعم .
- 1 ملعقة شاي فلفل أسود ناعم .
- ½ ملعقة شاي فلفل أبيض .
- ½ ملعقة شاي قرنفل ناعم .
- ½ ملعقة شاي قرفة ناعمة .
- معلقة حبهان مطحون
- معلقة ورق لورى
ولو صحيحة باحمصها الاول على نارهادية فى طاسة تيفال بتلاقى الروايح تحفة طالعة منها
وبعدها هنطحنها فى المطحنة وانا بحب دايما اشترى البهارات والتوابل صحيحة وباطحنها عندى على قداستعمالى يدوبك اسبوع مثلا مش اكتر علشان الريحة بتاعتها بتطير
ونحفظها فى برطمان ونقفله كويس وياريت يكون صغير علشان وانتى بتحطيها اكبسيها متخليش فى فراغ ولا هوا جواها علشان تحافظى عليها اكبروقت ممكن وريحتها تفضل زى ماهى
ويفضل ان اى توابل اوبهارات مطحونة تحتفظى بيها فى التلاجة
دى المكونات الاساسية ياجماعة فى اكيد ناس وبلاد عربية ليها توليفة مختلفة شوية عن دى
بيزودوا توابل تانية
استخدامات خلطة البهارات
طبعا تتبيلة الشاورمة بنوعيها فراخ ولحمةوكمان باضيف منها معلقتين للمحشى بتدى تست عالى اووى
واى عصاج باعمله فراخ او لحمة باضيف له معلقة برضه
والحواوشى كمان والكبد والقوانص بالصوص بتبقى هايلة
باختصار باحاول ادخلها فى اى حاجة محتاجة توابل وبهارات كتير
جربوها يارب تعجبكم
تعليقات
إرسال تعليق