صينية فراخ بالبصل تحفة
احنا بنحب الوصفة دى اوى اناوالولاد لانها تغيير عن طريقة الفراخ المسلوقة او الصوانى اللى بالطماطم طبعا وفى نفس الوقت بتنفع لو الطماطم غالية ماهى مجنونة ههههههههه
فرخة متقطعة او وراك فراخ
بصل مفروم وبصل جوليان (جوانح)
فصين توم
فلفل رومى او حامى اوالوان
ملح وفلفل
بهارات شاورمة (اختيارى)
حبهان ورق لورى
طريقة خلطة الشاورما دوسى على الصورة دى
طبعا اول حاجة هنغسل الفرخة كويس جدا جدا علشان الزفارة وكمان التعقيم وقتل الميكروبات بملح ودقيق وليمون او خل ونعمله معجون كدا وندعكهاكويس جدا من كل حتة وبعدين نشطفها بالمية كدا مش هتلاقى اى ريحة خالص ان شاء الله لاى طيور عندك او ارانب
وبعدين هنحضرالخلطة بتاعتنا واهم حاجة فيها البصل يكون كتير بيديها طعم خطير والله
وهنقطع البصل دا مكعبات او بالكبة اللى يريحك اناباعمل كل الخضروات مع بعض البصل والتوم والفلفل مرة واحدة وخلاص وباقطع شوية جوانح
ونجيب صينية او بيركس او طاجن او حتى صاج فرن لو كمية كبيرة اى حاجة عندك
وناخدالخلطة دى ونضيف لها التوابل بتاعتنا حسب ماتحبى مش مقيدة باللى كتبته ممكن تكتفى بملح وفلفل بس
وبعدين ندعك بيها الفراخ وندخل التتبيلة بين الجلد واللحم ونسيبهاشوية تتشرب التتبيلة والنكهات دى
ولو مش عاوزة بصل مكعبات ولا الفلفل نكتفى بالبصل الجوليان والتوابل والعكس صحيح طبعا
وبعدين ممكن تديها تشويحة على النار قبل ماتدخل الفرن او تدخليها على طول وتزوديها يا اما شوية شوربة او مية لوبتحبى فيها صوص او تسيبها كدا وهى هتنزل ميتها وتستوى بيها المهم تغطى الصينية بفويل او لوطاجن بغطا علشان البخار يسويهابسرعة ومتحتاجش مية
ولماتستوى هتكشفى وشها يتحمر تحت الشواية وبالف هنا
هنا تبلت بطاطساية معاها وشويتها
طبعا انا لما باعملها لى علشان الدايت باشيل جلد الفراخ
تعليقات
إرسال تعليق