طريقة عمل شاورمة اللحم

افضل طريقة لتحضير شاورمة اللحمة بالتفصيل

السلام عليكم ورحمته وبركاته
بعد ما عملنا خلطة بهارات الشاورما وطريقتها هنابالتفصيل فقط اضغطى على الصورة

هنعمل بقى شاورمة اللحمة بطريقة سهلة وبسيطة خالص

المقادير

نص كيلو لحم متقطع شرايح رفيعة
علبة زبادى
ملح وفلفل
خل
عصيرليمون
عصير برتقال
او معلقة تانج برتقال
بهارات شاورمة (كمون كسبرة قرفة توم بودر بصل بودرة زنجبيل
كركم بابريكا قرنفل حبهان ورق لورى )
بصل جوليان
فلفل
طماطم
بقدونس
سماق
طحينة
توم
مايونيز
كاتشب

شرح طريقة عمل الشاورمه ( اللحمة ) بالصور

طبعا كل ما تتنقع مدة اكبر كل ماتكون احلى واطعم
هنخلط البهارات دى كلها والزبادى مع بعض

ونحط فيها اللحمة ونسيبها من بالليل ونعملها الصبح او اقلها ساعتين ونسيبها فى التلاجة

ممكن نستغنى عن الزبادى مفيش مشكلة
عصيرالبرتقال او التانج هيديها ريحة مميزة جدا هتعجبكم

لو تحبى الاكل الدسم طبعا وعلشان تدى لك طعم الشاورمااللى بره سيحى حتة لية وانزلى عليها بجزء من الشاورمة

لحدمالونها يتغير كدا انزلى بشوية تانى ودا علشان ندى اللحم صدمة ونحبس السوايل جواها متنشفش مننا
انا عملتها بزيت علشان تبقى اخف للولاد تمام كدا

وبعد مانخلص الكمية كلها

نهدى عليها ونسيبها تستوى براحتها خالص ولو احتاجت مية زودى لها بس تكون سخنة

واخيرا نضيف لها البصل
والفلفل ولوتحبى تضيفى طماطم اخرحاجة علشان متستويش منك
واحنا بنحط الخضار الاخر علشان يبقى كريسبى وميستويش

الشكل النهائى لطبق شاورمة اللحم

والبقدونس الاخر للتزيين
ويا اما نقدم معاها سلطة الطحينة او تومية او اى صوص تحبيه انا ولادى بيحبوا الصوص دا
طحينة ومايونيز وكاتشب ونخلطهم على بعض وعصرة ليمون وملح وفلفل وتوم بودرة

وبالف هنا وشفا