طريقة تحضير قطايف رمضان
النهاردة هنعمل مع بعض القطايف فى البيت علشان تبقى موجودة معانا طول السنة مش فى رمضان بس
انا باعملها فى اى وقت وباعمل كميات طبعا علشان اهادى الحبايب واللى بيتبقى بافرزة لاى وقت عاوزين حاجة حلوة والظروف مش مناسبة انزل او جالى ضيف فجأة وطبعا طول رمضان الشربات معمول وجاهز فى التلاجة للكنافة والقطايف والجلاش
القطايف لها طرق كتير جدا على فكرة فى بدقيق بس وفى ناس بتضيف دقيق سيمولينا
وفى ناس بتعملها بلبن حليب او لبن بودرة وكمان ا لحشوات وطرق التقديم اكتر
ودا جزء منها مترتبطيش بالشكل التقليدى بتاعنا نوعى زى ماتحبى
قطايف بالمكسرات،قطايف بالتمر،قطايف بالكريمةوالمكسرات،قطايف بالقشطة ،قطايف عصافيرى بالقشطة والفستق الحلبى ،قطايف بالجبنة ،قطايف بالموز ،قطايف بالتفاح والقرفة ،قطايف بالشيكولاتة
نسم الله
القطايف لها طرق كتير جدا على فكرة فى بدقيق بس وفى ناس بتضيف دقيق سيمولينا
وفى ناس بتعملها بلبن حليب او لبن بودرة وكمان ا لحشوات وطرق التقديم اكتر
ودا جزء منها مترتبطيش بالشكل التقليدى بتاعنا نوعى زى ماتحبى
سبق وعملناها بالمكسرات والكريمة النهاردة هنعملها بحاجة جديدة شوية البلح او التمر
3كوب دقيق ابيض
او 2ونص ابيض ونص كوب دقيق سيمولينا
3 كوب ماء دافىء
قطعة خميره بيرة فى حجم عين الجمل
او 2معلقه صغيره بيكنج بودر
معلقه صغيره سكر
ربع معلقه ملح
معلقة كبيرة نشا
الحشوات
تمر
طريقةعمل عجينة القطايف خطوة خطوة
سهلة جدا جدا مفيهاش اى صعوبة ولا كلاكيع
الاول لو هنعملها بخميرة بيرة يبقى هندوبها بمعلقة السكر فى المية الدافية لحدماتتفاعل وتعلى
ولو هتعمليها ببودر او خميرة جافة يبقى اخلطيها مع الدقيق
وبعدين هتجيبى دورق الخلاط او اى طبق بلاستيك عندك والويسك اليدوى
وتضيفى كل المكونات على بعض الاول المكونات الجافة
الدقيق الابيض والسيمولينا والملح والنشا
الاول لو هنعملها بخميرة بيرة يبقى هندوبها بمعلقة السكر فى المية الدافية لحدماتتفاعل وتعلى
ولو هتعمليها ببودر او خميرة جافة يبقى اخلطيها مع الدقيق
وبعدين هتجيبى دورق الخلاط او اى طبق بلاستيك عندك والويسك اليدوى
وتضيفى كل المكونات على بعض الاول المكونات الجافة
الدقيق الابيض والسيمولينا والملح والنشا
وبعدين تنزلى عليهم بالمية وتضربى كويس لحدمايبقاش فيه كلاكيع وتنزلى بالخميرة
لو هتعمليها بالمضرب اليدوى ابقى صفيها فى اى مصفاة علشان تتاكدى ان الدقيق داب ومفيش كلاكيع
تضايقك
لو هتعمليها بالمضرب اليدوى ابقى صفيها فى اى مصفاة علشان تتاكدى ان الدقيق داب ومفيش كلاكيع
تضايقك
وبعدين صبيه فى طبق وغطيها وسيبيها تخمر شوية
تعرفى ازاى انها جاهزة هتلاقيها حجمها زاد وفى فقاقيع على وشها كدا
هتهبطى خمرها شوية يعنى تحركى الخليط كدا بالمضرب او معلقة بحيث تخرجى الهوا منها وحجمهايقل
تبقى تمام نتوكل على الله ونجيب طاسة تيفال سميكة او سيراميك زى بتاعتى دى
هى المفروض بتتعمل على صاجة زهر
المهم عندك اختيارات كتير فى طريقة الصب بقى
يااما بكبشة او كوباية او قمع زى دا
يااما بكبشة او كوباية او قمع زى دا
او براد او اخر حاجة عجبتنى وباعملها علشان البهدلة
ازازة من اللى بنحط فيهم الكاتشب رخيصة جدا على فكرة
ازازة من اللى بنحط فيهم الكاتشب رخيصة جدا على فكرة
ونمسح الطاسة بمنديل فيه زيت او فرشاة سليكون وننزل بالقطايف
واعملى الحجم اللى يعجبك كبيرة متوسطة صغيرة
واعملى الحجم اللى يعجبك كبيرة متوسطة صغيرة
وبعدين لماتلاقى فى فقاقيع على وش القطايف يبقى هى كدا تمام وزى الفل
والعجينة ناجحة لقيتها متماسكة وملساء تبقى لسه عاوزة تخمرتانى شوية
اول ماتمسك وتصفر من تحت شيليها على طول قبل ماتحمر علشان متنشفش منك ومتعرفيش تقفليها
وطلعيها على قماشة نضيفة ا وفوطة وسيبيها تتهوى شوية
وبعدين جهزى الحشوة فصصى البلح ويااماتحشى بيه زى ماهو او تهرسيه بالشوكة
ولوتحبى تضيفى مكسرات كمان اوك
ولوتحبى تضيفى مكسرات كمان اوك
واحشيها وقفليها كويس من الاطراف علشان متفكش فى الزيت منك
لو تحبى تفرزيها شيليها كدا قبل السوا
لو تحبى تفرزيها شيليها كدا قبل السوا
لو هتاكليها بالف هنا وشفا يبقى تحمريها فى زيت غزير واول ماتحطيها وطى النارشوية وطلعيها لماتحمر
لو تحبى تضيفى لها شربات اوك بس هى الصراحة مش محتاجة خالص البلح مسكر جدا وبناكلها كدا
مقادير الشربات
2كوب سكر ناعم
1كوب مية
معلقة عصير ليمون
فانيليا(اختيارى)
معلقة سمنة بلدى (اختيارى)
كبشين قرنفل (اختيارى)
عودقرفة (اختيارى)
معلقة عسل جلوكوز (اختيارى)
ودى طريقة الشربات بالتفصيل فضلا اضغطى على الصورة
تكات مطبخ ام عمرو خالد لنجاح القطايف
فى ناس كتير بتشتكى من ان القطايف بتكون طرية لوقعدت واحناطبعا اتعودنا تكون مقرمشة او ناشفة اوووى
لو التزمتى باللى هاقوله دا هتدوقى احلى قطايف
1-القطايف لازم تتعمل وتتحشى فى نفس اليوم
2-القطايف لو هتجيبيها من بره اختارى اللى فيها فقاقيع وخروم كتير دا دليل انها خمرانة كويس
3-لو لقيتيها ملساء كدا ومفيش فيها خروم اوعى تجيبيها ولا ببلاش دى ناقصة خمر وهتبقى ناشفة لما تحمريها
4-خلى بالك القطايف متكونش مكشوفة ولا واخدة هوا علشان هتجلد منك لازم تكون متغطية
5-جبنا القطايف او عملناها خلاص وهنقليها الزيت لازم يكون غزير ومقدوح كويس مش بارد علشان هتشرب زيت وتبقى طرية
6- اول ماتحطيها النارعالية هدى النار وسيبيها لماتتحمر من ناحية وبعدين اقلبيها
7-متستعجليش فى التحمير لازم تكون لونها احمر علشان تبقى مقرمشة
8-لما تطلع صفيها من الزيت وخليها تهدى شوية متنزليهاش الشربات وهى سخنة ولسه طالعة من الزيت علشان متبقاش طرية
9-الشربات لازم يكون تقيل مش خفيف ومايكونش ساقع من الثلاجة الافضل يكون دافى او بدرجة حرارة الغرفة (لو فى الثلاجة نطلعه قبلها بساعة علىى الاقل)
10-لماتنزلي القطايف فى الشربات سيبيها أقل من دقيقة وبعدين ارفعيها فوراً لو سيبتيها كتير حتبقى طرية
فى ناس كتير بتشتكى من ان القطايف بتكون طرية لوقعدت واحناطبعا اتعودنا تكون مقرمشة او ناشفة اوووى
لو التزمتى باللى هاقوله دا هتدوقى احلى قطايف
1-القطايف لازم تتعمل وتتحشى فى نفس اليوم
2-القطايف لو هتجيبيها من بره اختارى اللى فيها فقاقيع وخروم كتير دا دليل انها خمرانة كويس
3-لو لقيتيها ملساء كدا ومفيش فيها خروم اوعى تجيبيها ولا ببلاش دى ناقصة خمر وهتبقى ناشفة لما تحمريها
4-خلى بالك القطايف متكونش مكشوفة ولا واخدة هوا علشان هتجلد منك لازم تكون متغطية
5-جبنا القطايف او عملناها خلاص وهنقليها الزيت لازم يكون غزير ومقدوح كويس مش بارد علشان هتشرب زيت وتبقى طرية
6- اول ماتحطيها النارعالية هدى النار وسيبيها لماتتحمر من ناحية وبعدين اقلبيها
7-متستعجليش فى التحمير لازم تكون لونها احمر علشان تبقى مقرمشة
8-لما تطلع صفيها من الزيت وخليها تهدى شوية متنزليهاش الشربات وهى سخنة ولسه طالعة من الزيت علشان متبقاش طرية
9-الشربات لازم يكون تقيل مش خفيف ومايكونش ساقع من الثلاجة الافضل يكون دافى او بدرجة حرارة الغرفة (لو فى الثلاجة نطلعه قبلها بساعة علىى الاقل)
10-لماتنزلي القطايف فى الشربات سيبيها أقل من دقيقة وبعدين ارفعيها فوراً لو سيبتيها كتير حتبقى طرية
- ا11-لو كنتى هتعملى القطايف بنفسك فى البيت متضيفيش لبن حليب او بودرة لان اللبن بيخلى اى عجينة تبقى طرية وكدة مش حتقرمش
تعليقات
إرسال تعليق