اسرار الصلصة زى المحلات
احنا اتكلمنا المرة اللى فاتت عن سربصل الكشرى المقرمش زى المحلات والسربالتفصيل وباكتر من طريقة هتلاقوه فى الموضوع لودوستوا على الصورة دى
عصيرطماطم
توم مفروم
ملح
فلفل اسود
فلفل ابيض
كمون
رشة جوز الطيب
كسبرة ناشفة
خل
ورق لورا
الطريقة والتكات بالتفصيل لاحلى صلصة كشرى وباكتر من طريقة
وبالفيديو كمان
يلا نعمل الصلصة بسم الله
يلا نعمل الصلصة بسم الله
ركزوا معايا وخلوا بالكم من التكات اللى هاقولها دى هتلاقى ريحة الصلصة زى بتاعة المحلات تمام
ماهى القصة او السر مش فى الكشرى نفسه السرفى الصلصة
هتعصرى الطماطم بقشرها طبعا ومتحطيش مية كتير فيها احنا مش هنسبكها ياحبيبتى زى الطبيخ
يدوبك الخلاط يلف معاكى وخلا ص تمام كدا
وقدامك حل من الاتنين يااما تعملى الصلصة لوحدها يااما تضيفى لها الدقة بالمرة اللى يريحك
هتجيبى الزيت اللى حمرنا فيه البصل فاكراه ولا رميتيه اوعى ازعل منك دا هيبقى شغال معانا فى كل خطوة فى الكشرى ودا اول سر لكشرى المحلات ان الكشرى بتلاقى له طعم مش مجرد مكرونة وعدس وحمص مسلوقين وخلاص
هتجيبى الزيت وتسخنيه وتنزلى عليه بالطماطم المعصورة وانابحب اعملها بقشرها لو عاوزة تصفيها من القشر بعدماتعصريهامفيش مشكلة خالص
وتقلبيها وتسيبيها خمس دقايق بالكتير اناعاوزاها تغلى بس مش تتسبك فاهمة يا قطة
ونجهزبقى الطشة بتاعتها
التوم المفروم والكمون والملح والفلفل والكسبرة الناعمة
وشوحيها فى الزيت برضه بتاع البصل
وانزلى بيها على الصلصة وقلبى وبعدين ضيفى لها شوية خل وورق اللورى والسر الكبير بقى رشة جوزة الطيب ولو تحبى تزودى توابل تانى اومرقة فورية لحدماتظبط معاكى الطعم اللى يعجبك اوك
وابقى قولى لى رايك فى الريحة والطعم بعدالاضافات دى بقى
فى طريقة تانية برضه
تنزلى بعصيرالطماطم على الزيت وتحطى التوابل بدون توم ولا خل لانك هتعملى بيهم دقة
واوقات باضيف لها توم بودرة لو مستعجلة ومفيش توم مفروم
او انك تعمليها بنفس طريقة صلصة الفتة بتاعتنا يعنى تشوحى التومة الاول وتطشيها بالخل
وبعدين تنزلى بعصير الطماطم والتوابل بعدين
شوفى الطريقة اللى تريحك واعمليها كلهم نفس النتيجة بس اللى فاتت دى طريقتى المعتمدة من سنين ولله الحمد الكشرى بتاعى مالوش حل محدش يقدريقاومه بدون تحيزوالله
يارب تكون الطريقة عجبتكم ومنتظرة اراءكم ودعمكم للمدونة بالشير
تسلم ايدك جوعتيني😂😋
ردحذفيسلموا ياجميل اعمله واجيبه لحد عندك
حذف