طريقة عمل مشروب السوبيا
كل سنة وحضراتكم طيبين النهاردة هنكمل باقى المشروبات المشهورة والمرتبطة بشهرنا الفضيل شهررمضان وهى السوبيا
وليها طرق كتير جدا انا باعملها فى البيت ب4طرق هانزلهم ان شاء الله وكمان باحضرالبودرة بالبيت
هى مش غالية بس انابحب اعملهابايدى
تحضير بودرة السوبيا
نص كوب سكر
نص كوب لبن بودرة
ربع كوب كريم شانتى
2ظرف فانيليا
1معلقة كبيرة نشا
نص كوب جوزهندناعم جدا
او معلقة كبيرة روح جوزهندسائل
للعصير
2كوب مية مثلجة
كوب لبن مثلج
نص كوب سكر او اقل
3معالق بودرة سوبيا
بالنسبة للمقادير ياجماعة الكريم شانتى اختيارى لو معندكيش خلا ص بس الصراحة بيدى تست عالى اوى وربع كوباية لومعندكيش زى بتاعى هاتى كيس او 2 حسب ماتحبى والفانيليا ممكن واحد كفاية لومبتحبيهاش
انابحب اعملها بجوزهند ناعم وبعدين باصفيه عادى اناعن نفسى باشربها كدا بدون مااصفيها
لو مش موجود برضه يبقى هتحطى روح جوزهند ازازة صغيرة زى روح البرتقال والموز اللى بنضيفها للبسكويت فى العيد وفى الحالة دى يبقى هتتضاف وانتى بتعمليها باللبن والمية مش هتتضاف للبودرة دى اوك
نيجى بقى لطريقة تحضيرالبودرة سهلة خالص مالص مفيهاش اى حاجة
هنضيف السكروعليه الفانيليا وجوزالهند والنشا والكريم شانتى
اللبن البودرة
ونقلب بالمعلقة كويس لحدماالخليط يمتزج خالص
وبعدين نشيلها ببرطمان ازاز بس خلاص ولا اسهل من كداطبعا
طريقة عمل عصيرالسوبيا
كدا السوبيا جاهزة على التحضير وكله تمام
هنجيب البودرة بتاعتنا والسكر والمية واللبن وكله فى الخلاط زى كدا وياسلام لوخلاطك بيجرش تلج بتبقى رهيبة اصل بحبها متلجة اوى
واضربيها ضرب مبرح لحد مايبان لها اصحاب ههههههههه
وبعدين صبيها فى الدورق او الازازة وحطيهافى التلاجة
ولو عملتى كمية احفظيهافى الفريزر عادى خالص مش هتبوظ
وبالف هناوشفا
تعليقات
إرسال تعليق