تعصيج اللحمة بدون دهون
طبعا اللحمة المعصجة داخلة فى معظم أكلاتنا والصوانى والطواجن وكلناعارفين هى بتتعصج ازاى بس انا بحب اعملها بدون دهون خالص علشان الدايت وكمان كتر الدهون فى الاكل مش صحى خالص وبيزود الكوليسترول فى الدم فياريت اى أكل نعمله نحاول بقدرالامكان نقلل نسبة الدهون فيه ونكتفى بالنسبة الطبيعية اللى فى الطيور واللحم
نص كيلو لحمة مفرومة
بصلتين مفرومين
فلفل رومى او حامى حسب الرغبة
فصين توم اختيارى
جزر مبشور
طماطم مفرومة
ملح وفلفل اسود
بهارات شاورمة اختيارى
دى مجموعة بهارات الشاورما باعملها واجهزها بنسب محددة هتلاقى الطريقة هنا دوسى على الصورة
الطريقة طبعا ولا اسهل من كدا انا بحب افرم اللحمة بنفسى فى البيت ومباشتريش لحمة مفرومة الا فى اضيق الحدود المهم هنفرم اللحمة
وافرم البصل والخضار او يتقطع صغير عادى اى حاجة شغال
وبعدين باسخن طاسة او حلة تيفال ولو معندكيش يبقى هنستخدم رشة زيت بسيطة خالص
وبعدين ننزل باللحمة المفرومة شوية شوية تاخد صدمة وتغيرلونها متحطيها ش مرة واحدة علشان متنزلش ميتها
وبعدين نضيف البصل ونقلب لما نحس انه دبل خالص نضيف التوم والفلفل والجزر
واخرحاجة الطماطم لو تحبى وفى ناس بتضيف معلقة صلصة
ونضيف الملح والفلفل الاسود والبهارات دى فيها كل حاجة محتاجينها
(قرفة وكسبرة وكمون وتوم بودرة وبابريكا وكركم وجنزبيل وقرنفل وحبهان وورق لاورى )
تقليبة واحدة ونطفى علشان نحتفظ بالريحة وطعم البهارات فريش فيها
ولو بنعمل دايت زى حالاتى كدا ولقينا فى نسبة دهون لسه موجودة بعدالتعصيج نصفيها خالص
ولو مش حابة طماطم نكتفى بالبصل والفلفل بس
ولو بتحبى البصل كترى حسب رغبتك طبعا وبكدا هتلاقى الكيلو بقى كيلو ونص كمان
تعليقات
إرسال تعليق