جهاز العروسة كامل

لوازم جهازالعروسة من الالف الى الياء 

انا كتبت جهاز العروسة  من الالف الى الياء او من الابرة للصاروخ زى مابيقولوا 
وطبعا دا مش ملزم ليكى انتى بتجيبى اللى فى مقدرتك مش كل دا
فى حاجات هتلاقيها كماليات او رفاهية او مش هتحتاجيها اوك مفيش مشكلة بلاش منها 
وفى نقطة مهمة يا جماعة اطبعي الكلام داعلى ورقة ولما تشترى حاجة اكتبى سعرها قدامها علشان ترتاحى فى كتابة القايمة ان شاء الله ومتكرريش حاجة فى الجهازوربنا يعينكم ويقويكم والله 
اناهاقسمه على اجزاء علشان يكون مرتب ومنظم وربنا يستر بناتنا جميعا

الأجهزة الكهربائية

شاشة ال سي دى 32 بوصة اقل حاجة
ريسيفر 
ثلاجة 2 باب 14 قدم او 16 
ديب فريزر 
بوتاجاز 5 شعلة او 6
غسالة اتوماتيك او فوق اتوماتيك
غسالة عادية 
2مروحة استاند كبير للريسيبشن 
2مروحة كاريوكى لغرف النوم
مكواه + تربيزة مكواه 
مكنسة كهرباء 
شواية كهرباء 
دفاية 
عجانة بالكهرباء 
كبة لحمة او مفرمة
خلاط او كيتشن ماشين 
مضرب بيض وهاندبلندر
استشوار شعر 
مكنة براون سيلكابيل
سخان كهرباء او غاز
شفاط
فرن كهربائى او ميكروويف
صانعة الزبادى

بالنسبة للاماكن اللى هتشترى منها طبعا كتير بس اناباتعامل مع محلات عبدالعزيز واسواق الموسكى اسعارهم كويسة وده فى مدينة نصر ورا النادى الاهلى والحى العاشر وطبعا عندك التوحيد والنور فروعة فى كل مكان بس الصراحة اغلى من عبدالعزيز و الاسواق الحره انا اعرف بتاع مدينة نصر هو فى مكرم عبيد بعد صيدلية افريقيا كده
واى هايبر كبير زى كارفور فى المعادى الجديدة والعبوروسبينيس فى مدينة نصر و6 اكتوبر ومركاتو واولاد رجب وفتح الله فى اسكندرية وعمارات العبور صلاح سالم 
وعندك برضه منفذ بيع المصانع الحربية فى روكسى و بى تك والقاهرة للمبيعات فى السبع عمارات 
ولو انتى بقى بالك طويل وليكى فى الفصال وعاوزة توفرى عليكى وعلى شارع عبد العزيز فى العتبه
دول اللى اعرفهم لوحد يعرف اماكن تانية يقول اضيفها
بالنسبة للماركات بقى براحتك وعلى حسب امكانياتك

2-لوازم المطبخ 

  

طقم صيني حسب امكانياتك

طقم اكروبال شبة الصيني مكون من 53 قطعة
طقم بيركس فرنساوى او اركوبيركس مكون من 52 قطعة 
طقم ملامين الشريف مكون من 38 قطعة
طقم كاكاو 
طقم جاتوه
طقم صواني تقديم استانلس شيك 
شياله 
بنبونيرة 
طبق الفاكهة 
3طفاية سجائر 
شنطة ملاعق 18/10استانلس مدهب
شنطة سكاكين
2 طقم شربات 
5طقم كاسات 
5 طقم كوبيات شوب 
3 طقم قهوة
3 طقم شاي
اطقم الحلل والرفايع
طقم حلل استانلس 6 حلة مقاسات مختلفة كاامل( طاسة + كسرولة 
طقم حلل صاج 6 حلة مقاسات مختلفة تركي 
طقم حلل الومنيوم 13 قطعة
طقم تيفال 5 قطع مقاسات مختلفة كامل 
حلة بريستو 11لتر اقل حاجة
2 كسرولة 
2حلة سيراميك او جرانيت
طقم صواني المومنيوم 3 مقاسات مختلفة مدورة 
صواني تيفال مستطيلة
تشكيلة صوانى للكيك الومنيوم او سليكون قلب - وردة 
طقم صواني البيتزاوبسبوسة 2
طقم صواني تقديم ملامين 3 قطع مقاسات مختلفة 
صينية العشاء استانلس و ميلامين 
2 طاجن فخار مقاس كبير
2حلة فخار بغطاء
صوانى بيركس او بورسلين للفرن
4 طاجن صغير فخارلام على والرزبلبن
2 طاسة تيفال اوسيراميك او جرانيت احجام مختلفة 
2طاسة حافة صغيرةللكريب والاومليت 
2قلاية زيت مقاسات مختلفة
طقم كنك استانلس 3 قطع مقاسات مختلفة 
طقم كنك تيفال 3 قطع مقاسات مختلفة 
لبانة تيفال 
لبانة المومنيوم
طقم كزرولة مقاسات مختلفة المومنيوم 
براد استانلس كبير او بيركس 
براد المومنيوم او صاج 
ترمس 
كولمن 
كاتل
مصفاة برجل عميقة لمكرونة 
واخري بدون المومنيوم 
2 مصفاة بلاستيك وسط - كبيرة 
طقم مصفاة للمشروبات مقاسات مختلفة
منخل استانلس
مبشرة وقطاعة الشبيسي
قشارة البطاطس 
ماسكة + جونتي 
مريلة 
2شياطة 
فتاحة ازايز
فتاحة العلب 
عصارة الليمون 
طقم مقوارير 
هون للثوم 
طقم فرش للدهان الصواني وياريت يكون سليكون 
طقم معالق كبيرة وصغيرة للاستعمال 
شوك صغير وكبير للاستعمال 
طقم توزيع استانلس 
طقم توزيع خشب 
مخرطة للملوخية 
مسن سكاكين
طقم سكاكين للفواكة والخضروات 
سكينة للحمة 
سكينة للكيك والفينو والتوست مشرشرة
قشارة سمك
طقم مقصات للسمك والشعر والملابس
مفتاح انبوبة وجلد
طقم علي شكل سمك 
طقم كوبيات مياه 
مجات شاي
كوبيات شاى
طقم مجات شوربة 
مكعبات تلج
مطبقية 
حافظة الطعام العمود 
شيالة كحك 
رخامة لتقطيع الخضروات واللحم
اواني الحلويات
قوالب السليكون
نشابة للفطير
قطاعة البيتزا والكعك 
مضرب البيض يدوي (ويسك)
طقم الجيلي والجاتوه
صينية فتح وغلق للكيك للفرن 
معلقة الايس كريم 
كيس حلوانى
اسباتولا
ماكينة البتي فور
2 طقم خشاف 
مطبيقات للاطباق بصفاية للحوض
مطبيقية للحيطة 
طقم التوابل صيني
قطاعة تفاح
مناقيش كحك 
صاجات فرن للكحك
رفايع تانية
مشابك للغسيل 
مشمع للغسيل للمطر
فوط مطبخ 
جزامة
2 شبشب للحمام

دا كل اللى افتكرته صراحة لو ناسية حاجة قولوا اضيفها اناعارفة طبعا انى كاتبة حاجات كتير بس علشان يبقى قدامك اختيارات كتير تفاضلى بينهم مش انك تشترى كل دا طبعا الاسراف حرااام 

وحضرتك تعملى جمعية محترمة وتنزلى تلمى الاطقم الكبيرة دى مرة واحدة من العتبة وحمام التلات ولازم تفاصلى طبعا اوعى تشترى على طول خليكى ناصحة 
وعندك محلات التوحيد والنور و الهايبرات الكبيرة طبعا ومحلات اسواق الموسكى وسوق العتبة ورنين كمان 

3-باقى لوازم المطبخ البلاستيكات 

واحسن منتجات بلاستيك طبعا الهلال والنجمة وخورشيد وتابروير كمان 
وياريت تشترى دماغك اصلا وتجيبى طقم بلاستيكات من اللى بييجى فى التى فى زى طقم شركة النور فى حاجات كتير جدا 

1 تربو او شانون للخزين 

برميل او بستلة كبيرة لتخزين المياه 
طبق بلاستيك بمصفاة للرز
اطباق احجام مختلفة للفاكهةوالخضروات
2طبق كبير للعجبن 
طقم تلاجة بلاستيك احجام مختلفة 
4علبة خزين كبيرة للرز والمكرونات
علب صغيرة للبقوليات 
عياشه
صفاية الحوض للاطباق
صفاية للمعالق فى الدرج
6 كوب بلاستيك للاطفال
2 دورق للعصاير كبار
1دورق صغير
عصارة برتقال بلاستيك 
باسكت زبالة كبيرة قدام باب الشقة
4باسكتات صغيرين للغرف او اكثر
باسكت بدواسة للمطبخ 
2طبق كيبرللغسيل
شفشق لغسيل الحمام 
سبت غسيل
بستلة المومنيوم
منشر الغسيل الاستانلس
قاعدة انبوبة
قاعدة ثلاجة
4 دست مشابك بلاستيك للغسيل
دستة مشابك للبطاطين
سبت المشابك 
منفضة
شماعة الحمام 
مقشة ناعمة وخشنة 
جاروف
شرشوبة + الجردل 
مساحة
كرسي بلاستيك 
كراسى للبلكونة او الكمبيوتر
فرشة للسجاد كبيرةبيد
فرشة للبناطيل الجينز والشنط
فرشة للزجاج الطويل 
فرشة للتواليت 
سلاكة الحوض 
3بخاخة واحدة للمكواه والمعطر والديتول
زعافة 
رياشة للتراب
لمامة سجاد
ركنة للحمام 
غطاء الغسالة 
غطاء الابنوبة
غطاء للفرن او الميكرويف
شماعات الملابس 
شماعات لقمصان النوم
شماعاة للطرح بيبقى فيها حلقات مدورة كدا
شماعة للجرافتات
شماعة بنطلونات بتعلقى فيها كذا بنطلون
كومودينو او علبة لاقلام الكحل ولوازم الميكب 
عربية للسوق والتموين 
شنطة للسوق

4-المفروشات والملابس

دى بقى فى الموسكى او العتبة سوق غزة بالذات متخصص فى الملابس الجملة وعندك شارع الازهر والغورية والتربيعه كمان لو هتجيبى قماش ستاير او تنجيد او قماش ملايات سرير انادايما باجيب منه اسعاره كويسة وطبعا لازم فصاااااااااااااال وكمان نقطة تانية تاخدى بالك من المتر اللى فى ايد الراجل وهو بيقيس القماش لانه بيقيس اول متر مظبوط قدامك وبعدها بيقيس بسرعة وبينقص كل مرة 10 سنتى وانتى مش واخدة بالك بتيجى الاخر لو بتنجدى تلاقى القماش ناقص القماش كمان موجود فى وكالة البلح 
دا طبعا لو عاوزة توفرى وتلاقى اختيارات كتير وتنوع قدامك انما لو مش عاوزة تلفى بقى عندك اماكن تانية كتير زى السعودية للمفروشات العصرية ودى صراحة اسعارها غالية مبتعجبنيش وعندك التوحيد والنور واى مول او سنتر تانى يعجبك 

لحاف كبير 
1 بطانية كبيرة مزدوجة 
بطانية كبيرة مفرد
 مفرش قطيفة 
مفارش دفاية 
مفرش ستان كبير
 3 كوفرتة كبيرة 
12طقم ملايات لسرير الكبير
 24 فوطة كبيرة 
طقمين فوط حمام 
1 بشكير 
1طقم برنس مزدوج 
2 مفرش قطيفة صغير لحجرة الاطفال 
2 لحاف صغير لحجرة نوم اطفال 
6طقم ملايات لسرير حجرة الاطفال بيبقى ملايتين للسريرين 
مفرش للتسريحة والكمودينو 
مفارش النيش 
رول مفارش لدولاب اوضة النوم ودواليب المطبخ 
مفارش للانتريه 
سجاديفضل يكون حجمه صغير 
ستاير عادية او براقع
حافظة سجاد

ملابس البيت 

 العدد حسب راحتك ومقدرتك
 ترنجات قطيفة 
ترنجات صيفى اوستان
 جلاليب قطيفة 
جلاليب صيفى 
جلاليب فسكوز وفيزون 
بجامات ستان 
تيشرتات قطن وفيزون 
استرتشات وبرمودا
 باديهات كارينا نص كم او كم
 بيجامات فسكوز وقطيفة 
طقم داخلي اندرات براهات 
2برنص حمام 
لانجيرى طويل 
لانجيرى بيبي دول 
4روب صيفى على شتوى 
روب ابيض للدخلة
 بدلة رقص للى تعرف ترقص طبعا 
عباية الصباحية 
 4 عبايات عرايس لمقابلة الضيوف
 ترنج او بيجامة عريس للصباحية 
اسدلات للصلاة ومقابلة الضيوف 

ملابس خروج 

6 عبايات خروج 

6 أطقم خروج (جيبة + بلوزة او تونيك) صيفي 

6أطقم خروج (جيبة + بلوزة او تنك) شتوي 

12طرحة كبيرة 

12 بندانة الوان

 2 سابوه 

3 جزمة 

4 شباشب خروج او صنادل 

شنط خروج ( اسود + بني + ابيض + جينز + ..) 

اكسسوار ( عقود + غوايش + خواتم + حلقان + خلخال )

3 شرابات صيفى +  3 شتوي ولكلوك 

هاكرر تانى يا جماعة دا مش ملزم ليكى طبعا انا عصرت دماغى وكتبت كل حاجة ممكن تكون موجودة فى البيت وانا ضدمبدأالاسراف اصلا ولا المظاهرالكدابة دى اللى للاسف بقت منتشرة جدا فى الارياف انا رحت قريب  لاختى وشفت فرش عروسة والله بيعدوا العربيات كام عربية جابتها مش مهم بقى مليانة ولا نصها ناس هههههههه ولامهم اهلها حالتهم عاملة ازاى والله فى ناس بتبيع ارضها علشان تجهزبناتها ودا حرام طبعا ربنا يهدينا جميعا