طريقة عمل العيش البورى بحبة البركة والكمون

طريقة عمل الخبز البورى بالتوابل

 1 ونص كوب دقيق
1كوب لبن رايب او زبادى او مية (علشان يبقى طرى )
1 ونص معلقة صغيرة بيكنج بودر(علشان ينتفخ ولما يخرج من الزيت يفضل كده ميهبطش)
1/2 معلقة حبة البركة
1/2 معلقة كمون حصى او مطحون
رشة ملح

  سبق وعملنا العيش البورى الهندى وطريقته بالتفصيل دوسى على الصورة دى

 النهاردة هنعمله بطريقة تانية واضافات هتخلى طعمه خطير 

 هنضيف الملح على الدقيق والكمون وحبة البركة فى العجان او فى طبق بلاستيك

وبعدين نضيف  الزيت و المية بالتدريج ونعجن لحد ما تتكون عندنا عجينة ناعمة ومش ناشفة
وبعدين نبل الايد بشوية زيت ونعجن تانى ونسيبه يستريح شوية تقريبا 10 دقايق

 وبعدين نقطعه كور صغيرة 

نحطه فى دقيق بسيط ويتفرد بالايد او النشابةويكون متوسط السمك لا تخين ولا رفيع 

 ونقدح زيت غزير على النار ونختبره بحتة عجين هتلاقيها سقطت تحت وبعدين طلعت فوق الوش يبقى جاهز
ودرجة حرارته مناسبة لانها لو الزيت بارد هيشرب زيت ولو سخن هيستوى بسرعة من بره ويبقى من جوه معجن تمام كدا هنحط الرغيف هيسقط تحت

 وبعدين هيقب على وش الزيت نروح واخدين الزيت بالمعلقة او كبشة 

ونحط عليه من فوق علشان يتحمر ويقب ويطلع على الوش لحد ما يبقى دهبى

   ونطلعه على ورق مناديل ومتحطيهوش فوق بعض علشان هيطرى ويهبط

وبعدين يتقدم مع الفراخ بتاعتنا