عجينة الكنز تصلح لكل انواع المعجنات
النهاردة هنعمل عجينة سهلة وبسيطة واستخداماتها كتير جدا تقريبا بتنفع لاى نوع معجنات
عجينة الكنز اوعجينة العشر دقايق طبعا كلنا عارفينها ومنتشرة جدا وبتقعدمعاكى فى التلاجة يومين وتلاتة كمان زى الفل
المقادير هنقسمهاعلى مجموعتين
المجموعة الأولى
2 كوب ماء دافي
2 كوب دقيق
فنجان قهوة سكر
2 ملعقة كبيرة خميره فوريه
ذرة ملح
فنجان قهوة سكر
2 ملعقة كبيرة خميره فوريه
ذرة ملح
المجموعة الثانية
نصف كوب زيت
3 كوب دقيق
3 كوب دقيق
كيس لبن بودرة
انا ضيفت زبدة على الزيت بتدى تست جامد اوى
وبحب استخدم خميرة بيرة دايما
الطريقة بقى ولا اسهل من كدا والعجن بيتم على مرحلتين الاول بنجهز الخميرة بتاعتنا اللى هى المجموعة الاولى
الدقيق والمية والخميرة والسكر والملح
ولوخميرة بيرة يبقى هندعكها بمعلقة السكر الاول ومية دافية ولماتخمر نضيفها للدقيق
وكداخلصنا المرحلة الاولى هنغطيها ونسيبهاتخمر شوية المفروض هى 10 دقايق زى اسمها بس طبعاياجماعة لو الجو برد اكيد هتاخد وقت اكتر من كدا ممكن تقعدكمان نص ساعة فمتقلقوش خالص
اول ماتلاقيها عليت وعملت فقاقيع كدا يبقى تمام كداجاهزة لو الجو برد زى ماقلنا وعاوزين نسرع عملية التخمير يااما تغطيها بحاجة تقيلة بطانية مثلا او تسخنى الفرن الاول خمس دقايق كدا وتطفيه وتدخليها
لوتحبى تستخدمى العجان اوك انا بحب استخدم ايدى دايما
وبعدين نضيف المجموعة التانية اللى هى 3كوبايات دقيق
واللبن البودرة والزيت او الزبدة
ونعجن كويس اوى لحدالمكونات ماتختلط ببعض كويس وهتلاقي العجينة الى حدما بتلزق فى ايدك متقلقيش هى لماتخمرتانى مرة هتتظبط وطبعا كمية الدقيق ممكن تقل او تزيد حسب النوع اللى مستخدماه
نغطيها بنايلون استرتش او كيس بلاستيك
وخليها تخمر
وبعدين تشكليها زى ماانتى عاوزة اناباعمل منها بيتزا وفينو وكيزر وخلية نحل وبقسماط وقرص محشية وسينابون وحواوشى اسكندرانى
طبعا انا باعمل ضعف الكمية ولوفاض عجين بافرزه
دا جزء من الشغل بيها
قرص محشية
ودى سادة
ودا الحواوشى
تعليقات
إرسال تعليق