تشيكن بوب كورن الدجاج
وصفتنا النهاردة هى تشيكن بوب كورن
عندى الاولاد بيحبوهاجدا جدا هى والناجتس والتشيكن استربس لانهاتغيير عن الطريقة التقليدية للبانيه
نص كيلو صدور فراخ
بيضة
ملح
فلفل اسود
توم بودرة
بصل بودرة
مستردة
مايونيز
زنجبيل بودرة
شطة
دقيق وبقسماط
معلقة نشا
طريقة عمل فشار الدجاج
المقادير دى مش ملزمة طبعا وعندك مساحة من الحرية تضيفى حاجة او تشيلى حاجة حسب ذوقك مفيش مشكلة
انا دايما باشترى الفرخة كاملة وباقسمها زى مانا عاوزة مبحبش اشترى البانية جاهز خالص من ناحية ضامنة انه سليم مفيش لعب ومن ناحية تانية بيوفرمعايا كتير لان الفرخة كدا باعمل منها كذا حاجة يعنى امبارح عملت بانيه وتشيكن بوب كورن وفاهيتا وكبسة فراخ دا كله والله من فرخة تمنها اقل من 40 جنيه
المهم هنقطع الصدر لشرايح طولية وبعدين نقطعه مكعبات حسب ماتحبى انا باعملها وسط وتتغسل كويس بمية ودقيق وليمون
ونجهز التتبيلة بتاعتنا انابافضل اختصر خطوة التتبيل وبعدين البيض فى خطوة واحدة
فباضيف للبيض الملح والفلفل الاسود وباقى التوابل ولو عاوزاه حار باحط شطة
النشا ممكن تحطيهاعلى الدقيق او فى البيض عادى كله شغال ولو مش عاوزاها برضه اوك
واسيبه تقريبا نص ساعة كدا
وعندى الخلطة اللى مجهزاها دى دايما فى التلاجة دى عبارة عن دقيق وبقسماط مطحون ولو عندك شوفان او كورن فليكس اطحنيه شوية وملح وفلفل وتوم وبصل بودرة بابريكا شطة اى توابل عندى باضيفها
وتعفريها كويس وتسيبيها فى الفريزر شوية تتماسك علشان متفكش منك فى الزيت
وممكن تختصرى كل الخطوات دى برضه وبعدماتتبل ضيفى الدقيق على البيض وخليها عجينة تقيلة
زى اللى بنعملها للسمك وتقليها على طول اللى يريحك بقى دى ميزتها ان مفيش دقيق بيتحرق منك والزيت بيفضل نضيف مدة كبيرة
وطبعا تطلع على مناديل او مصفاة تتخلصى من الزيت الزيادة
وتتقدم مع اى صوص او كاتشب بس زى كدا
تعليقات
إرسال تعليق