طريقة عمل جلاش بالشيكولاتة والمكسرات
الجلاش من الحاجات المرنة اللى بحرها واسع وممكن تستغليها أسوأ استغلال يعنى حادق حلو شغال
النهاردة هاعمله بطريقة جديدة شوية يارب تعجبكم
لفة جلاش
شيكولاتة
مكسرات حسب الرغبة
سمنة او زبدة سايحة
طبعا المقادير ولا اسهل من كدا
طريقة عمل صينية جلاش بالشيكولاته
الشيكولاتة دى خام اللى باستخدمها للتورت والحلويات لوتحبى تحطى شيكولاتة نوع تانى اوك
ممكن تجيبى سنيكرز اوكادبورى اى ماركة تحبيها تبقى تحفة بس طبعا مكلفة
المهم الشيكولاتة هتتسيح على حمام مائى طبعا
تملى نص الحلة مية وتغلى تحطى الشيكولاتة فوقيها فى اى بولة او طبق
وتضيفى زبدة لوتحبى
وقلبى لحدماتسيح بالشكل دا ويدوبك تهدى نص دقيقة كدا
اضيف لها المكسرات لوموجود
كدابقت جاهزة
نسم الله ونفرد نص الجلاش فى الصينية المدهونة ولوتحبى تدهنى كل ورقتين اوك
وبعدين حطى الحشو بتاعك وساويه بحيث يكون بعيد عن الاطراف وميطلعش يتحرق
وغطيه بباقى الورق
واخرطبقة ادهنى سمنة كويس
ولوتحبى تحدديه كدا دلوقتى اوك بس حاسبى توصلى تحت للحشو يدوبك اول طبقة بس
وتدخليه فرن سخن ولمايطلع كملى تقطيع والف هنا وشفا
مش محتاجة اقولك انه لاعاوزشربات ولا اى حاجة ممكن ترشى سكربودرة بس عليه كدا بسيط او معلقتين عسل بس هو مسكراوى
تعليقات
إرسال تعليق