طريقة عمل الجلاش بطريقة جديدة
لفة جلاش
شيكولاتة
تمر
سمنة او زبدة
مكسرات مجروشة
ماء ورد او ماء زهر
معلقة قرفة
سكر بودرة للتزيين
اول حاجة طبعا هنطلع الجلا ش ونفرده على صينية ونغطية بقماشة نضيفة علشان مينشفش
وبعدين هنفصص التمر بتاعنا او لوعندك عجوة اوك برضه
والشيكولاتة دى خام اللى باستخدمها للتورت والحلويات لوتحبى تحطى شيكولاتة نوع تانى اوك
ممكن تجيبى سنيكرز اوكادبورى اى ماركة تحبيها تبقى تحفة بس طبعا مكلفة
المهم الشيكولاتة هتتسيح على حمام مائى طبعا
تملى نص الحلة مية وتغلى تحطى الشيكولاتة فوقيها فى اى بولة او طبق
وتضيفى زبدة لوتحبى
وقلبى لحدماتسيح بالشكل دا ويدوبك تهدى نص دقيقة كدا
ضيفى المكسرات والبلح والقرفة وما ءالورد
وبعدين هنجيب ورقتين كدا وندهنهم سمنة بالفرشاة كدا
ونحط الحشو حسب رغبتك
ولفى رول ورصى فى صينية مدهونة بحيث تكون القفلة بتاعة الجلاش من تحت
وممكن ترصيها فى صينية مستطيلة كصفوف هيكون شكلها الطف وتقطيعها سهل
ولما تكملى الصينية
تدخل الفرن لما تاخد لون دهبى جميل
وبعدين لوتحبى ترشى عليها سكربودرة او شربات خفيف اوك
مع ان هى مش محتاجة حاجة تانى خالص البلح والشيكولاتة فظاع بجد حاجة وهم كدا
طبعا ممكن تعمليها بشيكولاتة بس اوبلح بس الحشوة فى ايدك اختارى المناسب ليكى
لوتحبى تعمليه صينية اوك نفس طريقة الجلاش العادى
تفردى ورقتين ورقتين وتدهنيهم زبدة كدا
وبعدين الحشو
واخيرا الجلاش الباقى وسمنة تانى على الوش وتحدديه كدا بس مش للاخر
تعليقات
إرسال تعليق