لو مطبخك قديم واتبهدل ومفيش امكانية لتغييره او زهقتى من شكله
هنجدده بخامات بسيطة واقتصادية واى جهاز عندك تلاجة غسالة برضه شغال
انا هنا عملت الشفاط ودا تجديد وبيدى شكل جميل جدا وكمان بيحافظ عليه لمدة كبيرة نضيف
تغليف الاجهزة باكترمن طريقة
الخامات المطلوبة بسيطة جدا جدا
ورق جلاد استيكر
او استيكربوتاجاز
اوفويل
ولزق شفاف عريض
الطريقة الاولى
ورق الجلاد اوالاستيكر دا هتلاقوه فى محلات الادوات المنزلية
او الموان او محلات ابو 2ونص
وهتلاقوا منه الوان كتيرجدا جدا اختارى اللى يناسبك
ودا سهل فى التعامل معاه اوى مش محتاج حاجة خالص وبيلزق منه فيه انا اخترت اللون دا جميل جدا وعملت بيه كذا حاجة
طريقة تجديد شكل الشفاط
دا شكل الشفاط بعدمااتنضف وطريقة تنضيفه سهلة جدا جدا وباكترمن طريقة دوسى على الصورة هتلاقى الطريقة
وبعدين جبت الجلاد دا وهو بيبقى فيه ورق من تحت تفردى حتة بحتة او ممكن تقصيه الاول على قد الريش بتاعة الشفاط
وبعدين تشيلي الورق اللى تحت وتلزقيه بدون اى مواد لاصقة خالص
وهكذا لحدمانخلص
ودا شكله لما يتعلق جميل جدا جدا وكمان بيقعدشهور مفيش اى داعى لتنضيفه اصلا
وطبعا شيلت الشبكة لانه صعب اغلفها
اللى اتبقى عملت بيه الكومودينو دا علشان ادارى الحتت المقشرة دى
ودا شكله جميل جدا وماشى مع لون الموبيليا
تانى طريقة باستخدام الفويل
ودى انا جربتها قبل كدا برضه باجيب الفويل واغلفه والزق بلزق عريض شفاف
بس كان فيها عيب ان الفويل بيعمل صوت مع تشغيل الشفاط
تالت طريقة باستخدام استيكرالبوتاجاز وباقص جزء جزء على قد المكان اللى هاعمله واشيل الورقة من تحت برضه والزق ودا برضه جميل جدا ومقاوم للمية وبيقعدمدة كبيرة
وعملت البوتاجاز كمان
ولو عندك تلاجة اوغسالة او مطبخ قديم نفس الطريقة ودى صور من النت
شايفين الالوان وجمالها
بس تتاكدى الاول ان النوع كويس لان فى نوع صينى مبيلزقش
وتحاولى تختارى لون ينفع تعملى بيه كذا حاجة فى المطبخ والبيت كله
تعليقات
إرسال تعليق