طريقة طبخ الشطيطة (الفوارغ او الدوارة)
الشطيطة يابنات دى اكلة مصرية صميمة عندنا وهى عبارة عن كرشة بالحمص ونسبة الشطة والفلفل الحار فيها كبيرة علشان كدا اسمها شطيطة
كرشة متنضفة
حمص طبيخ
بصل
توم
عصيرطماطم
2معلقة صلصة
ملح وفلفل اسود
حبهان
كمون
شطة ناشفة
فلفل اخضر حار
قرفة (اختيارى)
جوزة الطيب(اختيارى)
جنزبيل فريش (اختيارى)
طبعا الكرشة سبق ونضفناها قبل كدا فلة شمعة منورة اهى
دوسى عالصورة تحولك لتنضيفها باسهل الطرق
الاول هننقع الحمص بتاعنا على الاقل ساعتين علشان يستوى بسرعة وكمان نتخلص من الغازات الضارة اللى فيه
بعدها نرفعه ياخد نص سلقة عالنار الحمص المقصود هنا حمص الطبيخ بس انا باستعمل حمص الشام مكانه عادى جدا اى حاجة
نيجى بقى للطبخ هنعمل حاجة علشان نتخلص من ريحتها المعروفة
هنسلقها نص سلقة الاول ترفعى مية على النارتغلى وفصين حبهان وجنزبيل فريش وبعدين تحطيها فى المية المغلية وتاخد غلوتين وبعدين تشيلى قد مغرفتين شوربة منها على جنب وترمي الباقى
شايفين الشوربة صافية وجميلة ازاى لافيها اى ريم ولا زفارة ولا سواد لاننا غسلناها كويس بالليمون والدقيق والخل والجنزبيل بيضيع اى ريحة خالص
وبعدين نشوح التومة الاول بعدها البصل علشان مش عاوزينه ياخد لون تمام كدا
بعدها الطماطم والصلصة والكمون والفلفل الاسود والشطة واى توابل تانى تحبيها انا بازود الجنزبيل وجوزة الطيب والقرفة والشوربة اللى شايلينها وخليها تغلى
بعدين نصفى الحمص من المية
بعدين تنزلى بالحمص ياخدغلوتين مع الصلصة
وبعدها الكرشة والفلفل الحار
لماتلاقيها استوت ضيفى الملح ودقيقتين طفى النار
ودوقى احلى طبق كرشة
يارب تكون الوصفة عجبتكم وربنا يجعل اعمالنا فى موازين حسناتنا
تعليقات
إرسال تعليق