طريقة الجبنة الكريمى باستخدام الجبنة القريش
نص كيلو جبنة قريش
نص كوب لبن حليب
ربع كوب زيت او زبدة
كيس لبن بودرة (حليب مجفف)
جبنة كاسات باللبن الحليب
كيلو لبن
ربع كوب خل
ربع كوب زبدة
رشة ملح
4قطع جبنة مثلثات(اختيارى)
او جبنة رومى مبشورة او شيدر
طريقة اقتصادية جدا
نص كيلو جبن فلاحى قريش
4قطع جبن نستو
معلقة سمن بلدى
معلقة زيت
اول طريقة هنضيف الجبنة واللبن والحليب البودرة مع بعض فى الخلاط او الكبة
وبعدين ننزل بالزيت سرسوب بسيط كدا زى ما بنعمل المايونيز بالظبط لحد ما يختلط كويس والقوام يكون معقول
ولو عاوزاها باى نكهة تحبيها ضيفى دلوقتى ممكن جبنة رومى مبشورة او شيدر او رومى مدخن
لو هنستخدم الطريقة الاقتصادية يبقى هتكون الطريقة كالتالى هنخلط الجبنة القريش او اى بواقى جبن عندك مع الجبن النستو ايا كان نوعك المفضل وطبعا اعلاهم واجودهم طعما بريزيدون فى الخلاط او الكبة
وبعدين ننزل بالزيت وبعده السمن ونضرب تانى
لحد ماكل المكونات تختلط وتبقى كريمى كدا لوعندك اى نوع جبن استعمليه عندك فيتا تلاجة قريش اى حاجة تنفع
او حتى لنشون بسطرمة ممكن تضيفيها وتبقى جبنة سلطة تحفة جدا
ولو مش موجود يبقى هنعملها بالطريقة التانية
2-طريقة الجبنة القابلة للدهن كاسات
يفضل طبعا ان اللبن اوالحليب يكون كامل الدسم وسايب مش معلب
هندفى اللبن على النار وبعدين ننزل بالخل او عصيرالليمون
ومع التقليب هتلاقى الحليب تخثر او قطع زى مابنقول هناخده نصفيه من الشرش
وناخد الدسم اللى طلع دا وعلى الخلاط ونضربه مع رشة ملح وزبدة او سمن اللى يريحك
ولو عندك جبنة نستو او رومى او شيدر او معلقتين قشطى ضيفيهم هتبقى هايلة
وممكن تضيفى اى نكهه انتى عاوزاها فلفل حار او حبة البركه او زعتر
لو هتعملى مقدار اقل كتجربة يبقى كوباية اللبن عليها معلقة خل بس
وبعدين طبعا هتحطيها باى برطمان ازاز معقم عندك بالتلاجة وياريت تعملى كمية على قدك متقعدش اكتر من اسبوع
لاننا طبعا عاملينها بدون مواد حافظة واستخدميها لدهن السندوتشات لولادك
تعليقات
إرسال تعليق