طريقة عمل البتنجان المخلل زى المطاعم

كيفية عمل بتنجان مخلل بالخلطة

البتنجان المقلى باكثر من طريقة

اولا

طبعا هتجيبى البتنجان سواء عروس او رومى وتغسليه وتشيلى الجزء الاخضر من فوق
وبعدين تحمريه فى زيت غزير ( وممكن تحمرى معاه فلفل حامى لو تحبى)

خلطة حشو البتنجان المقلى او البتنجان المخلل 

الخلطة 

ثوم مفروم 

فلفل اخضر واحمر حامى

ملح وفلفل اسود 

كمون 

عصيرليمون 

خل 

دى الخلطة الاساسية لاى مخلل باعمله سواء بتنجان او طماطم اما المسلوق هنزود عليها

بقدونس اوشبت او كرفس اى خضرة عندك تمام

هتضربى كل المكونات دى فى الكبة او الهون اللى يعجبك وتضيفى لها الخل وعصير الليمون

واحشى بيها البتنجان بتاعك

طريقة اخرى لعمل البتنجان المخلل 

فى طريقة تانية كمان بنسوي الخلطة على النار زى هريسة الشطة كدا 

 وتنزلى عليها بالخل بس وطى النار شوية وابعدى عنها علشان الريحة نفاذة اووى , البتنجان المسلوق هنحشيه ونرصه فى برطمان او علبة تلاجة ونزودله الخل ونخليه فى التلاجةوكل مايقعد كل مايبقى احلى واطعم طبعا . فى حاجة باعملها حلوة اوووى اول ماالاقى فلفل احمر حراق او رومى باضربه فى الكبة مع ملح وكمون وتوم واحفظه فى الفريزر ووقت مااحتاج منه اخد شوية وازود عليه عصيرالليمون للمخللات والكبدة واى حاجة محتاجة توم وفلفل .

وادى صورة الخلطه بتاعتى بعد ما طلعتها من الفريزر