تنضيف وتلميع حلل الاستانلس المحروقة باكتر من طريقة



                           خلطة تنضيف الحلل او الطاسات المحروقة السحرية



صورة الحله قبل التلميع
صوره بعد التلميع


بناء على طلب حبايب كتير عن طريقة تنضيف الحلل او الطاسات المحروقة انا حرقت لكم الحلة مخصوص علشان يبقى بالصور كالعادة وماضطرش اخد صور من النت اى خدمة بقى عدوا الجمايل المهم يا قمرات لو عندك مصيبة سودا زى دى كدا وحاجة اتحرقت الحل بسيط جدا خالص وبدون مصاريف ولا كيماويات زى ماناس كتير بتستسهل وتجيب باور ومستر ماسل والكلام دا علشان مش عاوزين يتعبوا شوية 



المواد المستخدمه فى تنظيف حلل المنزل
     هنحتاج اصدقائى الاعزاء كالعادة

    ملح الليمون 

    كربوناتو (بيكنج صودا )
    خل
    صابون مواعين 
     1- يابنات الكربوناتو ليها اكتر من اسم علشان متتلخبطوش (بيكربونات الصوديوم اوصودا الخبز اوبيكنج صودا )
    تمام كدا هتحطى الكربوناتو والملح وعليهم خل 


     طبعا هيتفاعلوا ويفوروا واديهم غلوة على النار ولوتحبى تحطى الصابون معاهم ماشى عاوزة لماتيجى تدعكى اوكى

     انا بقى استغليت الموضوع وحطيت كام معلقة كانوا عندى وفيهم سواد كدا مش راضى يطلع بسهولة لانه فى اماكن عميقة
    وبعدين لما طفيت عليهم سيبتهم شوية يبردوا ودعكت بالسلكة الاستانلس حبيبتى
     مفيش دقيقة بالظبط كنت خلصت الحلة والمعالق وبقت زى الفل من بره ومن جوه اسيبكم تشوفو الصور بعد ما خلصت

    تنظيف المعالق والحله المحروقة



    3-تلميع الاستانلس باستخدام الكاتشب

    الطريقة دى بسيطةوسهلة ومتاحة طبعا 
    صلصة الطماطم او الكاتشب ايهما وبنعتمد على تفاعل الاحماض مع الاوانى فبتنضفها جدا سواء من بره او من جوه اغليها شوية عالناروهتشوفي الفرق 

    4-صابون الغسيل الابيض 

    الصابون دا هايل فى كل اغراض التنضيف والغسيل 
    هتجيبى حتة صابون غسيل الابيض بتاع زمان دا وادهنى الحلة او البراد بيها من بره كمية حلوة كدا وبعدين رشة دقيق عليها وسيبيها نص ساعة 
    وبعدين شوية صابون مواعين ومية بسيط ادعكيها بسلك استانلس خشن هتلاقيها فلة 
    او صابون ابيض وكربوناتواو بيكنج بودر وخل وصابون سايل 
    وتدعك جامد
    او تغلى مية وفيها صابونة مبشورة وربع كوباية كربوناتو ونص كوباية خل تفاح او تفاحة مبشورة 
    وتحطى الاستانلس فيها تغلى هتلاقيها لمعت والاوساخ بتتفكك من غير دعك ولو اتبقى حاجة ادعكيها بسلك خشن
    او اغلى فيها بيبسى او كوكاكولا 

    ولو الحرق جامد يبقى هاتى سنفرة خشابى من الموان واكحتى الزوايد دى الاول وبعدين استخدمى اى طريقة من اللى قلناهم هتلاقى النتيجة مبهرة زى دى كدا




    وبراد الشاى كمان دوسى عالصورة وشوفى الطريقة 

    ها شفتو بسيطة وسهلة ومش مكلفة خالص ازاى يارب تعجبكم واللى تجربها تقولى

    تعليقات

    1. افضل شركة تنظيف منازل بمكة
      نحن افضل شركة تنظيف منازل بمكة لديها افضل العمال الذين يمتزون بالدقة والاتقان عند تقديم تنظيف موكيت بمكة و تنظيف منازل بمكة و غسيل سجاد بمكة كما اننا شركة تنظيف منازل بمكة دائما فى خدمتك لذلك معنا تستطيع الحصول على الخدمة بشكل سريع ولن تنتظر الكثير من الوقت حتى تحصل على منزل نظيف

      تنظيف موكيت بمكة
      https://elbshayr.com/5/House-clearance

      ردحذف
    2. غسيل كنب بمكة

      نحن الافضل فى تقديم غسيل كنب بمكة و معنا تستطيع ان تحصل على الخدمة باقل سعر مناسب للجميع لذلك لا تتردد في الاتصال بنا نحن شركة غسيل مفروشات بمكة توفر الخدمات باقل الاسعار وافضل صورة فاذا اردت الان ان تحصل على تنظيف كنب بمكة اتصل بنا
      شركة غسيل مفروشات بمكة
      https://elbshayr.com/7/Cleaning-furniture

      ردحذف

    إرسال تعليق