اسرار عمل حواوشى باللحمه المفرومه نفس طريقة الكبابجى بالصور
السلام عليكم ورحمته وبركاته
السلام عليكم ورحمته وبركاته
النهاردة هنعمل حواوشى لحمة يارب يعجبكم
المقادير
- 1/2كيلو لحمة مفرومة بها نسبة دهن
- 3 بصلات
- ملح وفلفل
- بهارات لحمة او شاورمة
- 3فصوص توم مفروم
- فلفل رومى ألوان أو فلفل حامى
- طماطماية مقطعة مكعبات
- معلقتين بقدونس مفروم
- معلقة طحينة
- معلقة دقيق
- عيش بلدى او شامى
- زيت ودهن او لية ضانى
طريقة عمل الحووشى باللحمه المفرومه
اول سر فى الحواوشى ان اللحمة لازم تكون ملبسة يعنى فيها نسبة دهن مش حمرا خالص
لانها لو حمرا هتكون ناشفة وهتكش منك كمان
تانى سر بقى البصل المفروم الكتير على قدماتقدرى حطى بصل ميهمكيش
تالت سر حطى شوية زيت على البصل
وبعدين هتخلطى كل المكونات مع بعض
يعنى البصل المفروم والتوم والطماطم والفلفل الالوان
وبعدين تضيفى التوابل والملح والبقدونس المفروم ومعلقة الطحينة
ورابع سر خلى الخلطة شوية فى التلاجة علشان تتشرب التتبيلة والمكونات تاخدمن بعض
وبعدين هتجيبى عيش بلدى نص سوا لازم علشان اللحمة هتاخدوقت لماتستوى العيش ميتحرقش مننا
وتضيفى للخلطة بتاعتنا معلقة دقيق علشان تماسك اللحم
خامس سر بقى هتجيبى شوية زيت ومية وتدهنى الرغيف من الناحيتين
وبعدين تفردى الخلطة جواه كويس اووى بحيث ميكونش مليان ولا فاضى
ولفيه بفويل علشان اللحمة تاخدوقتها وتستوى براحتها
ولومش عندك فويل يبقى هتسويه كدا فى الصاج وياريت ترمى حتة لية او دهن فى الصاج تسيح معاه
و دخليه الفرن لحد مايستوى والنار تكون متوسطة مش عالية ولا واطية
تقريبا 180 درجة كويس
ولمايستوى اكشفيه علشان يحمر شوية لو بتحبيه مقرمش اوى ودى الصوره النهائيه لـ
الحواوشى باللحمه المفرومه بتاع الكبابجى فى البيت
سادس سر بقى هندي له ريحة الشوى المميزة بتاعة الكبابجى ازاى بقى
بعدماتخلصى حطية فى صينية لها غطا او حلة وحطى طبق استانلس غير او ورقة فويل وجواها فحمة مولعة وطفيها بشوية زيت او دهن متسيح واقفلى بسرعة هتلاقى الدخان ملا الدنيا والحواوشى اتشرب منه وبقى بطعم الكباب
وطبعا بيتاكل مع بطاطس محمرة ومخلل وطريقة مخلل الليمون السريع دوسى على الصورة دى
تعليقات
إرسال تعليق