تنظيف طاسة القلية المحروقة من بره بأسهل طريقة

كيفية تنظيف القلايه الالومنيوم المحروقه من الخارج

شرح تنظيف الطاسه القليه من الخارج بالصور

ازيكم يا بنات النهاردة هننضف طاسة القلية المحروقة واللى مليانة دهون من بره طبعا شكلها يسد النفس اصلا ههههههههه
انا بطلت استخدم الومنيوم من مدة كبيرة وشغالة تيفال او سيراميك
فعندى الطاسة دى مركونة قلت اجيب لكم تجربة عملى كالعادة
طبعا كتيرمننا عندهم طاسة بالشكل دا 

 وياما حاولوا يغسلوها او ينضفوها بسلكة او منظفات كيميائية ضارة ومكلفة طبعا ومفيش فايدة انا بىقى مش هاكلفك ولامليم اصلا
واحسن حل ليها انك تولعى فيها اه وربنا باتكلم جد
هنولع فيها وقدامك كذا طريقة يااما تولعى فحم او لو فلاحين زى حالاتى كدا أوالح درة مثلا وتحطيها فى النار دى ولو ليها ايد طبعا هتتفك الاول
او بعدماتخلصى خبيز فى الفرن البلدى تحطيها وسط النارمن تحت
او السهل والمتاح طبعا لكل الناس انك هتولعى عليها وهى فاضية طبعا من غير حاجة على عين البوتاجاز وانسيها بقى نص ساعة ساعة على حسب الدهون اللى فيها تمام كدا وطبعا هتفتحى الشباك وتشغلى الشفاط هتشمى روايح ودخان طنشى واعملى نفسك من بنها عادى يعنى

 

 وبعدين وهى سخنة خديها على الرخامة بلاش الحوض لايتسد منك واكحتى الدهون دى بالسكينة هتطلع معاكى فى ثوانى انا مااخدتش منى دقيقة والله

 

 وبعدين لوفى لسه حاجة لازقة اعمليها بالسنفرة وياريت تكون خشنة من عند الموان علشان تنجز معاكى انا اللى عندى كانت ناعمة 

واخيرا السلك الاستانلس وشوية صابون من الخلطة بتاعتنا
او صابون بريحة او طمى مغربى لوعندك 

 هتلاقيها بتبرق من بره 


 

 ومن جوه 

 

نقطة اخيرة بس للتوضيح ياريت لما ننضفها يكون من جوه بس وخليها من بره عادى لان الطبقة دى بتدى سماكة اكبر للالومنيوم وتطول عمره ميتاكلش من النار والتنضيف المهم من جوه تكون نضيفة خالص يعنى مش كل مرة نولع فيها كدا مع الوقت الالومنيوم هيتاكل هى مرة مثلا لو حالتها صعبة كدا وخلاص بعدها بالتنضيف المستمر مش هتبقى صعبة 

تنضيف الاوانى الاستانلس وبراد الشاى 

طبعا الكلام دا بالنسبة للطاسة الالومنيوم بس ياجماعة الاستانلس لا مش هينفع هتطوس وتصفرمنك 
طيب والعمل ياام عمرو نرميها يعنى لا ياحبيبتى هننضفها بس بحاجة تانية خالص 


دوسى على اللينك دا هتشوفى الطريقة بالتفصيل وبحاجات موجودة عندك 

ودابرادالشاى فى 5دقايق بقى يبرق دوسى عالصورة برضه 

والتيفال بقى المشكلةالاكبر بتاعتنا طبعا مينفعش اطلاقا يتحط على الناروهو فاضى غلط غلط وخطركمان 
فالحل بقى هنحاول معاه بالطرق دى 
هتغلى مية وخل وكربوناتو يابنات الكربوناتو ليها اكتر من اسم علشان متتلخبطوش (بيكربونات الصوديوم اوصودا الخبز اوبيكنج صودا )
و ملح ليمون وشوية صابون الخلطة بتاعتنا يعنى 
 ودا اللينك بتاعها دوسى على الصورة 

وداطيعا فى حاجة اكبرمن الطاسة بتاعتك وياريت لوتعرفى تخلعى ايديها وتفكيها بمفك علشان لوفيها اى دهون كمان من جوه بالمرة وسيبيها لماالمية تبرد خالص وبعدين لو الدهون كتير ومحروقة حكيها بمعلقة خشب والباقى بالسلكة او السكوتش برايت الناحية الخشنة وادعكيها كويس هتبقى زى الفل اومية مغلية وكلور بس من تحت متخليش الكلور يلمس الطاسة من جوه او باور مذيب الدهون ورشيه ونضفى 

 يارب الوصفة تعجبكم وياريت اللى تطبقها تقول رأيها والى اللقاء فى وصفة تانية