كيفية طبخ القلقاس بالسلق الاخضر بالتفصيل
السلام عليكم ورحمته وبركاته
النهاردة هنعمل اكلة بنحبها اووووى القلقاس ودا بيتعمل بطريقتين طريقة بصلصة الطماطم زى البطاطس بالظبط
دى مشهورة فى الارياف شوية والتانية اللى كل الناس عارفاها طبعا بالسلق الاخضر والكسبرة المرة دى هنعملها بكرات اللحم
المقادير
كيلو قلقاس
حزمة سلق اخضر
حزمة كسبرة خضراء
راس توم
كسبرة ناشفة حصى
ملح وفلفل
شوربة
ليمونة خضراء
كرات اللحم اوالكفتة
ربع كيلو لحم مفروم
بصل مفروم
توم مفروم
ملح وفلفل اسود
شرح طريقة عمل القلقاس بالسلق مع اللحمه او بدون
 |
شكل القلقاس سهلة جدا هتجيبى القلقاس وتقشريه كويس  |
وبعدين تمسحيه بفوطة نضيفة قبل التقطيع علشان لو فى تراب
لو تحبى تغسليه يبقى بمية سخنة وتعصرى عليها ليمونة
هتقطعيه بطريقة بسيطة وسهلة خالص اسنديه على الفوطة او لوح التقطيع بتاع الخضار
هتقطعيه بطريقة بسيطة وسهلة خالص اسنديه على الفوطة او لوح التقطيع بتاع الخضار
وقطعيه شرايح طويلة بالعرض كدا
وبعدين الشريحة قطعيها صوابع زى البطاطس
وبعدين قطعيها مكعبات
لحدهنا لو عندك كمية كبيرة وعاوزة تخزنيها هنعمل ايه اقولك بقى القلقاس مبينزلش فى مية مغلية ياجماعة زى باقى الخضار
المعروف ان القلقاس زى البطاطس فيه كمية نشا لوشيلتيه كدا من غير ماتتخلصى منها وطلعتيه بعد كدا تطبخيه هينزل كل النشا دى فى الشوربة وهيبقى شكله مش ظريف خالص
فانا بانقعه فى مية سخنة وشوية ملح واسيبه 10 دقايق كدا هتلاقى المية بقى لونها ابيض خالص دى النشا بقى وبعدين صفيه وعبيه فى اكياس على قد الطبخة بتاعتى ولمااحتاجه اطلعه واطبخه بيبقى زى الطازة تمام
المعروف ان القلقاس زى البطاطس فيه كمية نشا لوشيلتيه كدا من غير ماتتخلصى منها وطلعتيه بعد كدا تطبخيه هينزل كل النشا دى فى الشوربة وهيبقى شكله مش ظريف خالص
فانا بانقعه فى مية سخنة وشوية ملح واسيبه 10 دقايق كدا هتلاقى المية بقى لونها ابيض خالص دى النشا بقى وبعدين صفيه وعبيه فى اكياس على قد الطبخة بتاعتى ولمااحتاجه اطلعه واطبخه بيبقى زى الطازة تمام
هنجهز اللحمة بتاعتنا او الكفتة ونفرم كل المكونات مع بعض ونكورها
عندك اختيارات كتير واضافات لوتحبى عاوزة تضيفى خضرة اوك عاوزة تعمليها كفتة بالرز
وتحمريها وتضيفىها اوك اللى يريحك
هنكون مجهزين الشوربة طبعا مبهرة وفيها توابل والذى منه
عندك اختيارات كتير واضافات لوتحبى عاوزة تضيفى خضرة اوك عاوزة تعمليها كفتة بالرز
وتحمريها وتضيفىها اوك اللى يريحك
هنكون مجهزين الشوربة طبعا مبهرة وفيها توابل والذى منه
لوهتعمليه باللحمة يبقى خليها فى الشوربة
واعصرى ليمونة فى الشوربة
تسقطيه فيها تقريبا ربع ساعة او تلت ساعة بالكتير لو نوع كويس مش هياخد اكترمن كدا
وبعد عشردقايق وقبل مايستوى القلقاس تضيفى كرات اللحم او الكفتة بتاعتك
بدون تحمير طبعا لوعاوزة تحمريهابراحتك
وبعدين تطلعى واحدة بالشوكة شوفيها لو استوت طفى عليه
بدون تحمير طبعا لوعاوزة تحمريهابراحتك
وبعدين تطلعى واحدة بالشوكة شوفيها لو استوت طفى عليه
نعمل الطشة بقى
هتنضفى السلق وتاخدى الورق بس بتاعه بلاش العروق
والكسبرة الخضرا برضه خدى نصها التحتانى من عندالورق بتاعها
وقطعيهم مع بعض واغسليهم ونشفيهم كويس
سيحى حتة سمنة او زيت اللى يريحك وانزلى عليها بالخضار دا
وكام فص توم بحالهم مش مفرومين وشوحيهم شوية حلوين
وبعدين حمصى الكسبرة الناشفة فى طاسة علشان ريحتها تكون اقوى وبعدين اطحنيها او دقيها فى الهون
وانزلى بيها على السلق والتوم هتلاقى الريحةجميلة جدا
هنا برضه لو هتخزنى القلقاس هتاخدى جزء من السلق والخلطة دى لماتبرد وتحطيها فى اكياس على قد الوجبة بتاعتك مع القلقاس لما تحبى تعمليه فى غير الموسم بتاعه هما يدوبك دقيقتين وخلاص تلاقيه جاهز
هنا برضه لو هتخزنى القلقاس هتاخدى جزء من السلق والخلطة دى لماتبرد وتحطيها فى اكياس على قد الوجبة بتاعتك مع القلقاس لما تحبى تعمليه فى غير الموسم بتاعه هما يدوبك دقيقتين وخلاص تلاقيه جاهز
ضيفى لها كبشة شوربة وبعدين طفى عليها
وحطيها فى الخلاط او بالهاندبليندر واهرسيها
لحدماتبقى بالشكل دا واللون الاخضر الجميل دا
وحطيها فى الخلاط او بالهاندبليندر واهرسيها
لحدماتبقى بالشكل دا واللون الاخضر الجميل دا
وبعدين ضيفيها للقلقاس تاخدغلوة واحدة بس
وبالف هنا وشفا بقى
دا سادة
دابالكفتة اوكرات اللحم
تكات مطبخ ام عمرو خالد
- القلقاس فى منه نوعين او بالاصح شكل الثمرة له مظهرين هتلاقى واحدة ملساء كدا دى لمؤاخذة دكر وهتلاقى التانية ليها درنات اوبروزات بسيطة كدا على السطح بتاعها دى بقى نتاية
- الافضل طبعا تنقى اللى هى نتاية لانها بتستوى بسرعة مبتاخدش وقت زى التانية
- ياريت لو هتجيبى كيلو مثلا يكون واحدة كبيرة متعمليش كذا واحدة صغيرين مع بعض لان ممكن تلاقى واحدة استوت والتانية لسه نية
- انابافضل انى اعمله بشوربة لحمة دايما مش فراخ
- القلقاس متغسليهوش امسحيه بفوطة نضيفة وخلاص اواغسليه بمية سخنة وعصرة ليمون علشان ميمزلقش منك
- لما تسلقيه فى الشوربة يفضل متحطيش ملح علشان بيأخر السوا وياخدمدة كبيرة
- اناباجيب كمية واعمل طبخة يوم والباقى بافرزه يدوبك اطلعه من المية والليمون واكيسه مبيتسلقش ياجماعة زى الخضار التانى وممكن يتفرز بعدالتقطيع مباشرة بدون غسيل
- لما تيجى تضيفى السلق والخضرة هى غلوة واحدة بس علشان ميسودش منك وتحافظى على اللون الاخضرالجميل بتاعه
يارب الوصفة تكون عجبتكم وان شا ءالله هاعمله بطريقة تانية فيها تكة بسيطة كتغيير من وصفاتنا التقليدية
تعليقات
إرسال تعليق