طريقة ازالة بقع المكياج والحبر والالوان
السلام عليكم ورحمته وبركاته
طبعا كلنا عندنا ولاد ربنا يخلى واوقات كتير بيشخبطوا على الحيطة بقلم جاف او ألوان او حتى ياخدوا اقلام الروج والميكب بتاعك ويبهدلوا الدنيا بيها
او قلم جاف يطفح على تى شيرت او قميص اوبنطلون
او شنطة ياماحصلت طبعا متنكريش
هههههههههه لوحصل كدا متقلقيش خالص عندى الحل وموجود قدامك ومش مكلف خالص وبطريقتين اسهل من بعض كمان وكالعادة مش هنشترى اى خامات او منتجات كيماوية من بره وهنستعمل اى حاجة فى البيت تنفع نستخدمها اولا للتوفير
ثانيا علشان نقلل من اخطار واضرار الكيماويات والمركبات دى اللى اكيد بتضر اكترماتفيد
لمشاهدة الطريقة كاملة بالصور تابع الموضوع
طريقة التنضيف باستخدام معجون الاسنان
انا كنت باعالج البقع اللى على الهدوم الاول قبل مااغسلها طبعا وكنت باستعمل اللبن الحليب او الزبادى بس صراحة عملتها مرة ومرضيتش اكررها تانى لانى استحرمت نعمة ربنا ودورت على بديلفلقيت احسن حل هو معجون الاسنان بتاعنا
اه والله زى ماباقولك كدا
وادى تجربتين عملى قدامك
دى بقع ميكب روج واى شادو واى لينر كمان ميكب كامل للحيطة ماشاء الله هههههه
الطريقة التانية سهلة جدا ومتاحة ليناكلنا بس ياريت تكون لسه مااتغسلتش ولا طالها اى مية هتدعكيها مباشرة بصابونة الوش هتلاقي الحبر اتفكك خالص ونزل على طول
تالت طريقة باستخدام البرفان او السبرتو (الكحول النقى)
كنت عاوزة أعلقه فى النجفة ابن اللذينه بس قلت الطيب احسن ماعلينا
امبارح بقى كنت واخدة المعجون بتاع البيه جوزى وطبعا زعق هههههههه قلت اقصرى الشر وندورعلى حاجة تانية لقيت البرفيوم بتاعى حبيبى تندر قلت اجرب بيه لان السبرتو اللى عندى خلصان رشيته بالشكل دا وبرضه سيبته شوية
طرق اخرى للتنضيف
فى وسايل تانى زى الديتول المركز
او عصير الليمون هتجيبى ليمونة وتعصريها على البقعة وبعدين رشى شوية ملح وسيبيها نص ساعة كدا لحد ما الليمون يفكك البقعة
وبعدين ادعكيها بصابونة وش مع شوية كربوناتو هتلاقيها طبعت باذن الله
واغسليها عادى خالص لو لسه فى لون كررى العملية تانى
او انقعي البقعة فى بيبسى او استعملى الاسيتون الابيض (مزيل طلاء الاظافر)
اومثبت الشعر سبراى
اوبنزين التنضيف دا هايل كل دى مواد هتتفاعل مع البقعة وتفككها ان شاءالله ترشى السائل اللى متاح عندك ولو بتنضفى هدوم تحطى حتة قماشة تحت البقعة علشان متبهدلش الباقى وتسيبيها شوية وبعدين تحطى صابون مواعين وتدعكيها بفرشاة اسنان شوية وبعدين اغسليها
يارب الموضوع يعجبكم واكون قدمت حاجة مفيدة لاى حد
ولوعجبكم ياريت متبخلوش بالشير على جوجل او الفيس وشكرا
تعليقات
إرسال تعليق