شوربة العدس اللذيذة فى الشتاء
ازيكم يابنات أخباركم ايه فى التلج دا ؟
طبعا متكتكين ومحتاجين اى حاجة تدفينا يبقى مفيش غير العدس الاصفر سواء شوربة او غموس هيقوم بالمهمة دى ودا وقته صراحة ههههههههههه
احنا بنحبه اوووى عموما بس فى الحر بيكون مش لطيف خالص فماباصدق الشتا يهل ولازم اسبوعيا اعمله مرة النهاردة هنعمله شوربة والمرة الجاية هاعمله غموس ان شا ءالله
لمزيد من المعلومات عن نبات العدس وطريقة تحضير الشوربة
- ربع كيلو عدس أصفر
- 2جزرة
- 1بصلة
- 2حبة طماطم
- راس توم
- حبة بطاطس(اختيارى)
- حبة كوسة (اختيارى)
- ملح وفلفل اسود
- كمون
- كسبرة ناشفة (اختيارى)
- كركم (اختيارى)
- شعرية
طبعاالطريقة ولا اسهل من كدا وكلكم عارفينها بس نقول تانى
العدس اناباعمله دايما بالطريقة التقليدية انما فى ناس بتزود له كوسة وبطاطس وكرفس وكرات واى اعشاب تانية حسب راحتك ورغبتك وصراحة بيكون طعمه احلى وافيدكمان
المهم هنسمى الله ونغسل العدس كويس لحدمانتخلص من اللون الابيض اللى فيه دا لان العدس من البقوليات ومعروف ان المية بتاعتها لازم تترمى لانهابتعمل عسرهضم وغازات
وبعدين نحط كل المكونات بتاعتنا دى على بعض ماعدا التوابل والملح طبعا
يعنى العدس والجزر والطماطم والبصل والتوم واكيد مية طبعا
ونسيبه يتسلق كويس اول مايغلى باهدى عليه النار ولما يستوى باسيبه يهدى شوية
ولو مستعجلة باضربه فى الحلة بالهاندبليندر اوالخلاط
ويااماتزوديه مية دلوقتى او بعدما تخلطيه اللى يريحك
وبعدين سيبيه يغلى شوية وكل ماتلاقى ريم ابيض ظهرعلى الوش شيليه وارميه لان دا هو اللى بيخليه يحمى على الصدربعدالاكل
وتعالى بقى فى طاسة وحمرى الشعرية بتاعتك
وحضرى الطشة بتاعتنا توم مفروم وملح وفلفل وكمون ولوتحبى تزودى كسبرة ناشفة وشطة مفيش مشكلة حسب راحتك
وبعدين اغرفى وبالف هنا وشفا
يارب الطريقة تكون عجبتكم مع انى عارفة انه سهل اصلا مش محتاج وصفة بس اناحبيت المدونة تكون شاملة ابسط حاجة فى المطبخ المصرى علشان تكون مرجع شامل لعرايسنا وبناتنا
فوائدالعدس
عملنا خلاص العدس تعالوا بقى نعرف فوايده ايهالعدس ياجماعة من البقوليات الغنية جدا فيه نسبة عالية من البروتينات و الألياف،وفيتامين ب1 وحمض الفوليك والاحماض الامينية والاملاح المعدنية زى الحديد والكالسيوم والفوسفور والمغنيسيوم والبوتاسيوم والمنجنيز والزنك والنحاس
وفايدته تعادل تقريبا فايدة اللحمة علشان كدا بيسموه لحم الفقراء
وبيمتاز بانه سهل التحضير ومشبع وسهل الهضم كمان بس طبعا ممنوع لمرضى الكبد والكلى والمرارةوانيميا الفول واكيد مرضى القولون زى حالاتى بس على مين هاكل يعنى هاكل هههههههه
الخواص الطبية لنبات العدس :
- مقوي للجهاز العصبي .
- مقوي للعظام والاسنان .
- مقوي للدم .
- واقي من نخر الاسنان .
- مدر للبول ومعرق .
- مقوي ومنشط للجسم .
- مخفض للحرارة .
- ملين ومساعد على الاخراج .
- حامي من ارتفاع الانسولين في الجسم .
- حامي من الامساك .
- حامي من مشاكل القلب .
- مقوي للقدرة الجنسية عند الرجال .
- مقلل من نسبة الكوليسترول في الدم .
- حامي من مرض السكر .
- مفتت للمواد الضارة في الجسم .
- مانع للتوتر النفسي .
- مساعد في بناء انسجة الجسم .
- مدر لحليب المرضعات .
- مسكن للسعال .
- منقي للبشرة .
- واقي من امراض السرطان
تعليقات
إرسال تعليق