طريقة عمل العاشوراء

احلى طبق عاشوره

 ربع كيلو قمح بليلة
كيلو لبن
فانيليا
ماء ورد(اختيارى)
2 معلقة نشا
او رزمسلوق
3معالق قشطة
سكرحسب الرغبة
للتزيين مكسرات او قرفة
اوكريمة

طريقة العاشوراء

  اول خطوة هننقى القمح من اى حبة فيه غيرسليمة او نبات تانى معاه 

وبعدين نغسله كويس هتلاقى فى شوائب وحاجات بتطلع فوق الوش دى قشرة القمح  ترميها  

 وبعدين هننقع القمح اقل حاجة ساعتين تلاتة مش لازم من بالليل للصبح ونغيرالمية بتاعته على الاقل مرة تمام كدا

 والخطوة دى لازم ومهمة جدا ليه بقى اقولك انا اى بقوليات بنطبخها زى الفول والحمص و الفاصوليا واللوبيا  

علشان تضمنى ان الحبة تستوى من جوه وبره بنفس الدرجة بننقعها فى المية فلما الرطوبة تدخل جواهابتكون مستوية كويس وكمان بتقلل مدة السوا
والأهم طبعا بتقلل من حدوث عسرالهضم والانتفاخ بعد اكل البقوليات بالذات لمرضى القولون شافاهم الله وعافاهم

طيب لو مفيش وقت بلاش نعمل لاطبعا هنعملها بس هترفعيها على النار تاخدغلوة وبعدين تطفى عليها هتلاقيها ادتك نفس النتيجة بالظبط 

 هنا انا حطيتها على النار اخدت غلوة وسيبتها شوية فشربت المية واتفتحت الحبة وبقت تقريبا شبه مستوية جدا شايفين شكلهاعامل ازاى 

سيبتها لحدمابردت وبعدين رفعتهاتانى على النار

وحطيت عليها السكر وشوية مية كمان لان ميتها قليلة ولماسيبتها بردت شربتها

 واخدت غلوة يدوبك السكرداب كدا 

 وشيلت طبق بدون سكر لى علشان الدايت هاضيف له سكر دايت ولبن خالى الدسم امال ايه يعنى مااكلش داحتى طباخ السم بيدوقه هههههه

 

  والباقى نزلت عليه باللبن زى كدا

 لحدهنا بقى عندك بليلة باللبن مش عاشوراء

 البليلة دى هى الاساس بتاعنا وبعدين هنحولها لعاشوراء 

  ازاى بقى العاشوراء هى هى البليلة بس مضاف لها نشا
او رز مسلوق ومستوى اووى هتضيفيه عليها وتقلبى شوية لماتلاقى القوام بقى كريمى كدا وتقيل
او تدوبى النشا فى مية باردة وتنزلى بيها على البليلة وتقلبى جامد وبسرعة لحدماتلف معاكى
او تاخدى شوية قمح وتضربيهم فى الخلاط وترديهم تانى على الحلة وتقلبى
قدامك اختيارات كتير اختارى اللى يناسبك
خلصنا كدا ضيفى بقى القشطة ياقشطة وقلبى بجد هتحسى بفرق جامد عن طريقتك العادية
واللى تحب تضيف ماء الورد او ماء الزهرتتفضل بعدما تطفى عليها برضه وكمان الفانيليا

 وبعدين دخليها التلاجة لماتبرد خالص وساعة التقديم  زينيها بالمكسرات المتاحة عندك