كشرى أحلى من بتاع المحلات
ازيكم يا بنات النهاردة هنعمل الكشرى المصرى بطريقة حلوة جدا هتخليكى تدمنيه واستحالة تشتريه تانى من بره وداعلى ضمانتى بجد بدون مبالغة اناالحمدلله باعمله احلى من اللى باشتريه وهاقولكم على كل التكات كالعادة واللى قعدت مدة لحد ما وصلت لها طبعا
الكشرى داياجماعة من احب واشهر الاكلات المصرية الصميمة بتاعتنا وفى ناس كتير فاهماه غلط للاسف انه مجرد رزبشعرية وشوية مكرونةوعدس وحمص مسلوقين وصلصة ودقة وشكرا لاياحبايبى أبسلوتيلى الكشرى الصح مش كداخالص هههههه
رز مصرى
شعرية
مكرونة اسباجتى
مكرونة صغيرة
عدس بجبة
حمص الشام
بصل
معلقتين نشا أو دقيق
عصيرليمون
شطة حمراء
الصلصة
عصيرطماطم
شعرية
مكرونة اسباجتى
مكرونة صغيرة
عدس بجبة
حمص الشام
بصل
معلقتين نشا أو دقيق
عصيرليمون
شطة حمراء
الصلصة
عصيرطماطم
توم مفروم
ملح
فلفل اسود
ملح
فلفل اسود
فلفل ابيض ان وجد
كمون
رشة جوز الطيب
كسبرة ناشفة
خل
ورق لورا
حبهان
حبهان
الطريقة زى مانتواعارفين طبعا بس هازود عليها فى كل حاجة تكة بسيطة هتفرق اوووى معاكى فى الطعم بس قومى اعملى كدا مج نسكافيه ولاكوباية قهوة علشان تركزى معايا ومتتوهيش اناهاحاول اختصر على قدمااقدر
طريقة طبخ احلى كشرى
أول حاجة ياريت لماتحبى تعملى كشرى تجهزى حاجتك من بدرى على الاقل ساعة كدا علشان البقول العدس والحمص تلحق تتنقع شوية قبل السوا ودا له كذا فايدة اولا مش هتاخدوقت معانا
ثانيا هنتخلص من الغازات الضارة اللى فيها اللى بتتعب بعض الناس ومنهم مرضى القولون زى حالاتى كدا
ثالثا ودا اهم حاجة هتلاقى العدس او الحمص واى بقول تانية لماتتسلق وتستوى محتفظة بشكلها وقشرتها لاتبقى مهرية ولا القشر على الوش تمام كدا
ثانيا هنتخلص من الغازات الضارة اللى فيها اللى بتتعب بعض الناس ومنهم مرضى القولون زى حالاتى كدا
ثالثا ودا اهم حاجة هتلاقى العدس او الحمص واى بقول تانية لماتتسلق وتستوى محتفظة بشكلها وقشرتها لاتبقى مهرية ولا القشر على الوش تمام كدا
طريقة البصل المقرمش
نسم الله بقى كدا ونبتدى بالبصل المقرمش الجميل ودا هنعمله بطريقة سهلة خالص تقطعيه رفيع مش تخين يا بايدك يا بالكبة اللى يريحك
وتقطعيه مكعبات عادى زى بتاع التقلية او جوليان يعنى جوانح انا باعمل الاتنين عادى تمام كدا
رشى عليه شوية ملح وسيبيه دقيقة كدا فى مصفاة دا لو هتحمريه على طول بالطريقة العادية بتاعتنا فهينزل ميته ويبقى مقرمش بدون اى اضافات
او رشي عليه معلقتين دقيق او نشا اللى يريحك
وبعدين سخنى زيت غزير متستخسريش مش هنرميه متخافيش ههههههه
وانزلى بالبصل وحمريه لحدماوصل للون الدهبى الجميل بتاعنا دا
طلعيه فى مصفاة سلك او الومنيوم اللى عندك وسيبيه يتصفى من الزيت ويتهوى
اوعى تطلعيه على مناديل هيشرب الزيت اللى ينزله ويبقى طرى بعدين ادى له رشة كسبرة ناشفة
وتقطعيه مكعبات عادى زى بتاع التقلية او جوليان يعنى جوانح انا باعمل الاتنين عادى تمام كدا
رشى عليه شوية ملح وسيبيه دقيقة كدا فى مصفاة دا لو هتحمريه على طول بالطريقة العادية بتاعتنا فهينزل ميته ويبقى مقرمش بدون اى اضافات
او رشي عليه معلقتين دقيق او نشا اللى يريحك
وبعدين سخنى زيت غزير متستخسريش مش هنرميه متخافيش ههههههه
وانزلى بالبصل وحمريه لحدماوصل للون الدهبى الجميل بتاعنا دا
طلعيه فى مصفاة سلك او الومنيوم اللى عندك وسيبيه يتصفى من الزيت ويتهوى
اوعى تطلعيه على مناديل هيشرب الزيت اللى ينزله ويبقى طرى بعدين ادى له رشة كسبرة ناشفة
لوعاوزة تشوفى باقى الصور بالتفصيل دوسى على الصورة دى
صفى العدس بتاعنا وخدى شوية زيت وشوحى العدس فيه مع فص توم لوبتحبيه
وقلبى جامد هتلاقيه غير اللون قلبى تانى 5 دقايق كده وانزلى بالميه المغلية وملعقةكمون وملعقه ملح ونغطيه وتسبيه يستوى
طريقة عمل الصلصة
يلا نعمل الصلصة بسم الله
ركزوا معايا وخلوا بالكم من التكات اللى هاقولها دى هتلاقى ريحة الصلصة زى بتاعة المحلات تمام
ماهى القصة او السر مش فى الكشرى نفسه السرفى الصلصة
هتعصرى الطماطم بقشرها طبعا ومتحطيش مية كتير فيها احنا مش هنسبكها ياحبيبتى زى الطبيخ
يدوبك الخلاط يلف معاكى وخلا ص تمام كدا
وقدامك حل من الاتنين يااما تعملى الصلصة لوحدها يااما تضيفى لها الدقة بالمرة اللى يريحك
هتجيبى
الزيت اللى حمرنا فيه البصل فاكراه ولا رميتيه اوعى ازعل منك دا هيبقى
شغال معانا فى كل خطوة فى الكشرى ودا اول سر لكشرى المحلات ان الكشرى
بتلاقى له طعم مش مجرد مكرونة وعدس وحمص مسلوقين وخلاص
هتجيبى الزيت وتسخنيه وتنزلى عليه بالطماطم المعصورة وانابحب اعملها بقشرها لو عاوزة تصفيها من القشر بعدماتعصريهامفيش مشكلة خالص
وتقلبيها وتسيبيها خمس دقايق بالكتير اناعاوزاها تغلى بس مش تتسبك فاهمة يا قطة
ونجهزبقى الطشة بتاعتها التوم المفروم والكمون والملح والفلفل والكسبرة الناعمة
وشوحيها فى الزيت برضه بتاع البصل
وانزلى
بيها على الصلصة وقلبى وبعدين ضيفى لها شوية خل وورق اللورى والسر الكبير
بقى رشة جوزة الطيب ولو تحبى تزودى توابل تانى اومرقة فورية لحدماتظبط
معاكى الطعم اللى يعجبك اوك
وابقى قولى لى رايك فى الريحة والطعم بعدالاضافات دى بقى 
فى طريقة تانية برضه
تنزلى بعصيرالطماطم على الزيت وتحطى التوابل بدون توم ولا خل لانك هتعملى بيهم دقة
واوقات باضيف لها توم بودرة لو مستعجلة ومفيش توم مفروم
او انك تعمليها بنفس طريقة صلصة الفتة بتاعتنا يعنى تشوحى التومة الاول وتطشيها بالخل
وبعدين تنزلى بعصير الطماطم والتوابل بعدين
شوفى الطريقة اللى تريحك واعمليها كلهم نفس النتيجة بس اللى فاتت دى طريقتى المعتمدة من سنين
الدقة بقى سهلة خالص
هنحتاج توم وخل وعصيرليمون وكمون وملح ومية بس
وتهرسى التوم واالتوابل والملح مع بعض وتحطى شوية زيت ع النار وتنزلى بالدقة دى تتشوح شوية وبعدين تضيفى لها الخل والمية
وتديهم غلوة واحدة على النار وطفى عليها وضيفى عصيرالليمون وممن تضيفى لهامعلقة صلصة كمان حسب راحتك
ولوعاوزه تعمليها ع البارد مفيش مشكلة
وبعدين نسلقه لوتحبى تضيفيه له شوية صلصة وياخدغلوة اوك
زهقتواصح معلش استحملونى هانت خلاص
المكرونة هنسلقهافى مية مغلية وزيت وملح ونصفيها
ونجيب الزيت بتاع البصل فاكراه ولانسيتى
وتنزلى عليه بالمكرونة وبصل وتوم بودرة وفلفل اسود
وقلبى علشان تبقى مفرفرة كدا مش ملزقة يا اختى
ودوقيها كدا والله تتاكل حاف طعمهاخطير
الرز طبعا مش قصة يعنى كلكم بتعرفوا تعملوه اكيد
المكرونة هنسلقهافى مية مغلية وزيت وملح ونصفيها
ونجيب الزيت بتاع البصل فاكراه ولانسيتى
ودوقيها كدا والله تتاكل حاف طعمهاخطير
بس انا الصراحة مبحبش احط رزمع الكشرى
وفى ناس طبعا بتعمل الرز بشعرية مع العدس بس دى مش زى المحلات اكيد يعنى زى مانتواعارفين كل حاجة لوحدها
الشطة العادية هتجيبى شوية صلصة من اللى عملناها وزودى لها شطة حمرا ناشفة
و بعدين نقلبها شوية و نحط عليها معلقة صلصة و نطفى عليها بس دى بتبقى نارجهنم اعوذبالله
كدا الموضوع تم بحمدالله وكل التكات قلتهالكم يارب يعجبكم
تعليقات
إرسال تعليق