طريقة تنضيف الممبار(العصبان) بأسهل الطرق

تنضيف الممبار بطريقة سهلة جدا 

النهاردة هنتعلم مع بعض ازاى ننضف الممبار باسهل الطرق مش طريقة واحدة بس 

اختارى اللى يعجبك فى حدود المتاح عندك مفيش اى مشكلة خالص 

انامن عشاق الاكلة دى فقلت نتعلم ازاى ننضفه وبعدين نطبخه 

طريقة التنضيف التقليدية

اولا كدافى ممبار ضانى ودا بيبقى رفيع ومفيهوش دهن زى الجاموسى اوالبقرى

ودابيكون مناسب اكتر لعمل السجق 

وطبعا دا اناباحشيه لحمة متبلة واوقات باحشيه رز زى الممبار الجاموسى برضه مش هيعيط يعنى هههههه

نخش فى الموضوع بقى الطريقة التقليدية المعتادة بتاعتنا اننا بننضفه من اى دهون زيادة عليه من بره مش كلها وباسيب جزء منها بيدى طعم جامدمع الخلطة لانه بيسيح معاها 

وبعدين باقلبه بايدى زى كدا

وافتح فيه الحنفية هتلاقيه نزل على طول او بايدمعلقة خشب مدورة او مسن سكاكين لوهو ضانى ورفيع 

وبعدين باحطه على البلانشة بتاعتنا او الرخامة

وبضهرالسكينة اكحته هتلاقى كل المخاط والاوساخ طلعت معاكى فى ثانية مفيش اى مشكلة وتقلبيه الناحية التانية برضه بس خلاص

 هى الطريقة طبعاسهلة ومتعودين عليها بس دلوقتى فى اسهل منها 

 اسهل طريقة لتنضيف الممبار 

الطريقة دى بقى سهلة خالص مالص  وبطلة القصة هتكون دى 

ايوا دى متستغربيش جلدة الانبوبة  

ودى تنفع مع الممبارالرفيع التخين اوى دا لا طبعا مش هيدخل فيها 

هنعمل ايه بقى هتجيبى الست جلدة هانم وتدخلى جواها الممبار بالشكل دا 

وتسحبيها كدا هتلاقيها بتشيل كل الاوساخ دى فى لمح البصر

 اهو لاسحرولاشعوذة ههههههههه

وبعدين نغسله كويس ومية وملح وليمون اوخل ودقيق 

وبعدين يتصفى كويس ويتحشى او يتفرز انا شيلته طبعا لان كان عيد وكمية كبيرة ماشاء الله 

طرق اخرى للتنضيف

فى طرق تانية لتنضيف الممبار غيرالطريقتين دول 

ممكن تنقعيه فى نشادر شوية وبعدين تدعكيه بايدك هتلاقيه بقى زى الفل

او تدعكية بالردة (نخالة القمح ) هتلاقيها زالت كل المخاط دا فى ثانية 
او تجيبى اى صفيحة سمنة عندك فاضية طبعا او صينية حتى وعلى طرفها من فوق
تمرريه عليها وتشديه هتلاقيه نضف فى ثانية برضه 
او تنقعيه بخل وتسيبيه شوية وبعدين بشوية دقيق درة او ردة وملح وعصرة ليمون وادعكيه هتلاقيه زى الفل 

دلوقتى انا قلت لكم كل اللى اعرفه عن الموضوع دا
وياريت تجربوا اى طريقة من دول 

ويارب يكون الموضوع البسيط دا أفاد ولو جزء بسيط جدامنكم
وبعدمانضفناه لازم نطبخه اكيد ودى الطريقة بالتفصيل دوسى عالصورة 

وطبعا الممبار لازم معاه كرشة ودى طريقة تنضيفها باكتر من طريقة 
دوسى على الصورة هتحولك للموضوع فورا