مخلل اللفت بالبنجر
السلام عليكم ورحمته وبركاته
النهاردة هنعمل اللفت المخلل وهوسهل خالص مفيهوش اى صعوبة وطبعا أنضف وأطعم من بره
وهنحل مشكلة الريم والطبقة البيضا اللى بتلاقيها على وش المخلل لماتفتحيه
وتبتدى تاكلى منه
كيلو لفت مقطع
لتر مية
ربع كوباية ملح
ربع فنجان خل
كوب فلفل احمر حامى
فصين توم
عودين كرفس
بنجر
معلقة سكر
هتجيبى اللفت وتنضفيه وتقطعى العروق لو مش عاوزاها فى ناس بتحبها ممكن تخلليها
وبعدين قطعيه بالسكينة او بالقطاعة المشرشرة دى جميلة جداباعمل بيها كل حاجة لفت جزربطاطس كوسة ورخيصة جدا سعرهالايذكريعنى
ورشيه بشوية ملح وخليها فى مصفاة ساعتين تلاتة علشان ينزل ميته وهتلاحظى ان حجمه قل
وبعدين هنعقم البرطمان استعدادا لاستخدامه لو ازاز والخطوة دى مهمة جدا للمخلل وكمان المربى البيتى
هتغلى مية فى حلة وتسقطى فيهاالبرطمان بتاعك ياخدغلوة طلعيه بدون ماتلمسيه بايدك طبعا
ودخليه الفرن على الرف الاولانى وعلى نارهادية خمس دقايق كدا لحدماينشف من ميته
كدا بقى تمام وجاهززى الفل
هتاخدى لترالمية وتغليه وسيبيه يبرد خالص
البنجر هتقطعيه برضه بس انابحب ابشره مبقطعهوش اقل حتة بتدى لون فظيع لماتتقطع
هتاخدى بقى الفلفل والملح ولوتحبى تحطى شطة كمان وتهرسيهم فى الهون او تضربيهم فى الكبة وتريحى دماغك وخلاص
وهاتى اللفت حطيه فى البرطمان بتاعك وانزلى عليه بالخلطة دى
وضيفى الكرفس والبنجروالخل وباقى الملح ومعلقة السكر
وانزلى عليه بالمية واقفلى عليه تقريبا يومين تلاتة
نصائح مهمه عند عمل اللفت المخلل
اللفت ياريت تنقيه صغير مش كبير لان الكبير بيكون شايخ يعنى فاضى من جوه ومخوخ وزى السفنج
والبنجر
انا بحب ابشره بالمبشرة علشان يدينى لون حلو حتى لو البنجرة صغيرة خالص
ولو مفيش بنجر عندى باعمل تكة حلوة بس قبل التقديم مباشرة باضيف له شوية
كركديه مغلى وبارد بيتشرب اللون حلو اوووى وبيكون زاهى طبعا احسن من البنجر
كمان
الريم دا بنتخلص منه لما نغلى المية قبل مانستخدمها وفص التوم بيدى له نكهة حلوة اوى
معلقة السكر بتخلى الخضار المخلل مقرمش مش مهرى
تعقيم البرطمان مهم جدا علشان نتخل صمن اى ميكروبات او بكتيريا ضارة
لما يستوى وتفتحى عليه ياريت تستعملى المعلقة او كبشة حتى تطلعى بيها متحطيش ايدك فى اى مخلل دا بيخليه يريم ولو مش بيعمل دود
فتحتى عليه واكلتى بالف هنا وشفا ياريت بقى تحفظيه فى التلاجة لحدمايخلص
تعليقات
إرسال تعليق