طريقة العصبان (الممبار)
السلام عليكم ورحمة الله وبركاته
سبق وعملت موضوع لتنضيف الممبار باسهل الطرق النهاردة بقى هنحضرالممبار المحشى خطوة خطوة وبالتفصيل ودا من الاكلات اللى بنعشقها كمصريين
اناباعمله ب3 طرق على فكرة هنبدأ بالطريقة التقليدية
بصل مفروم
فلفل رومى او حامى (اختيارى)
طماطم معصورة
معلقتين صلصة
ثوم مفروم
رز مصرى
بقدونس وكسبرة وشبت
نعناع ناشف
ملح وفلفل
حبهان
ورق لاورى
خلطة بهارات شاورما (اختيارى)
طريقتها هنا دوسى على الصورة
لو لاحظتم انا كتبت ممبار بلدى ليه بقى ؟
لان فى ممبار صينى موجود دلوقتى فى السوق والهايبرات بتنزله عروض وكمان عندالجزارين وشكله مغرى جدا لانه ابيض اوى وكمان مفيهوش اى دهون خالص
دا بقى قصته ايه ياحلوين دا بييجى من بره مجفف بملح وزى الورق كدا ولانه متشبع ملح فطبعا لازم يتنقع فى مية يومين تلاتة كدا والكيلو منه مجفف بيعمل 3كيلو بعدالنقع وكمان لماتيجى تحشيه بياخدقد3كيلو من البلدى بتاعنا وسعره تقريبا 15جنيه فدا طبعا لقطة للمطاعم و اناشفته مرة واحدمعرفة شغال فى الجزارة جابه لناس حبايبنا
اماالبلدى بتاعنا فداطبعا لايعلى عليه فى الطعم وهو هتلاقيه فارق عن الصينى انه مش حجم واحد زيه وكمان فيه دهون والاهم لونه مش ابيض خالص هو لونه داكن شوية وموجود منه ضانى وبتلو وكندوز وبقرى ودا اخفهم معلش طولت بس كان لازم افهمكم
الطريقة ولا اسهل من كدا هننضف الممبار باى طريقة من اللى اناذكرتهم هنا دوسى على الصورة دى
وبعدين نحضر خلطة الحشو اللى هى نفس خلطة المحشى بتاعنا وهى ليهاطريقتين يااما نى فى نى تغسلى الرز وتصفيه وتحطى عليه كل المكونات بتاعتنا بصل وطماطم وملح وتوابل او تسبكى الطماطم ودى اللى انابحبها صراحة
هنشوح البصلة فى زيت او سمن اللى يريحك
وبعدين ننزل بالفلفل الاخضر والتوم ودى خطوة اختيارية حسب راحتك لو مش عاوزة تضيفيهم بس انابحب ادخل الخضار والتوابل فى كل اكلى علشان اخدفايدتهم
وبعدين الطماطم ومتنسيش رشة سكر علشان تكسر حموضتها
وخليهالحدماتتسبك خالص وضيفى التوابل والملح ليه بقى انااخرت النقطة دى علشان لوملحتيها وهى عصيرلسه طبعالماتتسبك بيقل حجمها وتتبخر السوايل منها ممكن تبقى مالحة وكمان التوابل اناعاوزة ريحتها تبقى فى الخلطة مش تروح من كترالغلية
ونضيف نص الخضرة تتقلب مرة
وهنا لو الطماطم مش حمرا قدامك اختيارين يا اما تبشرى طماطم على الخلطة فى الاخراوتحطى صلصة زى دى انااللى عملاها على فكرة
و ننزل بالرز ياخدتقليبتين كدا علشان يبقى مفلفل وكدا تمام اوى
او طريقة تانية تنزلى بالصلصة على الرز من غيرمايتحط على النار تانى وانابحب اضيف خضرة تانى وتوابل قبل الحشو
هتمسكى الممباربايدك الاتنين كدا من كل طرف بالسبابة والابهام
وبعدين بالوسطى تزقى الرزجواه كدا بس خلاص
بعدماتحشيه لحد التلتين كدا تفرديه بايدك يعنى تبططيه كدا بحيت تفردى الرز جواه ويبقى فى براح لمايستوى ميفرقعش لان الرزبيزيدطبعا وتمسحى الرز الزايد عليه من بره علشان الشوربة تبقى رايقة مش عجين شايفة عامل ازاى فى حاجة علشان ميفرقعش منك زى ماقلت تظبطى الرزجواه وكمان تسقطيه فى مية مغلية مش باردة وكمان تشكيه بدبوس او خلة سنان اوعودشيش طاووق مرتين كدا بحيث يتنفس
اناباعمل حاجتين برضه ياامااسقطه فى مية مغلية وفيهاحبهان وورق لاورى وفلفل اسود والذى منه زى كدا وهو طبيعى بيقفل من الناحيتين لمايشم النار متخافيش
او اخدجزء من المية دى وانزل بيه على الممبار فى الصينية اوالطبق
ودى ليها ميزة حلوة اوى ان اى رززيادة بينزل فى الطبق والممباربيتقفل قبل مااحطه فى الشوربة
شايفين عامل ازاى زاد واتقفل والرز طلع منه
وبعدين نحطه فى الحلة ونوارب الغطا بتاعه ولمايستوى ودا نعرفه ازاى
هتطلعى واحدة وتقطعيهابالسكينة اوتغرسى فيها الشوكة لقيتيهاسهلة يبقى تمام
الرز استوى ومفلفل والجلد كمان مبيشدش يبقى حلو
طلعيه فى مصفاة ينزل ميته علشان ميفرقعش فى الزيت منك وكمان يتحمربسرعة
وبعدين ياتحمريه زى كدا
وتطلعيه فى مصفاه تانى يصفى الزيت الزيادة وبعدين مناديل تنشفيه تانى
او تدخليه الفرن زى كدا
بصى الدهون اللى نزلت منه قدايه
وبالف هنا وشفا على قلبكم يلامدوا ايديكم بسم الله
دا طبقى بقى مش متحمر اللى كان فى الفرن هههههه
دا بقى قصته ايه ياحلوين دا بييجى من بره مجفف بملح وزى الورق كدا ولانه متشبع ملح فطبعا لازم يتنقع فى مية يومين تلاتة كدا والكيلو منه مجفف بيعمل 3كيلو بعدالنقع وكمان لماتيجى تحشيه بياخدقد3كيلو من البلدى بتاعنا وسعره تقريبا 15جنيه فدا طبعا لقطة للمطاعم و اناشفته مرة واحدمعرفة شغال فى الجزارة جابه لناس حبايبنا
اماالبلدى بتاعنا فداطبعا لايعلى عليه فى الطعم وهو هتلاقيه فارق عن الصينى انه مش حجم واحد زيه وكمان فيه دهون والاهم لونه مش ابيض خالص هو لونه داكن شوية وموجود منه ضانى وبتلو وكندوز وبقرى ودا اخفهم معلش طولت بس كان لازم افهمكم
هنشوح البصلة فى زيت او سمن اللى يريحك
وبعدين الطماطم ومتنسيش رشة سكر علشان تكسر حموضتها
طريقة الحشو
هى طبعاسهلة جدا انابحب احشى بايدى حتى الضانى لومش عارفة او الممبار صغير يبقى استخدمى القمع عادى او حتى هاتى ازازة مية اوساقع بلاستيك واقطعى الجز ءاللى فوق دا واستخدميهازى القمعهتمسكى الممباربايدك الاتنين كدا من كل طرف بالسبابة والابهام
بعدماتحشيه لحد التلتين كدا تفرديه بايدك يعنى تبططيه كدا بحيت تفردى الرز جواه ويبقى فى براح لمايستوى ميفرقعش لان الرزبيزيدطبعا وتمسحى الرز الزايد عليه من بره علشان الشوربة تبقى رايقة مش عجين شايفة عامل ازاى فى حاجة علشان ميفرقعش منك زى ماقلت تظبطى الرزجواه وكمان تسقطيه فى مية مغلية مش باردة وكمان تشكيه بدبوس او خلة سنان اوعودشيش طاووق مرتين كدا بحيث يتنفس
طريقة التسوية
كدا الممبار جاهز وزى الفلاناباعمل حاجتين برضه ياامااسقطه فى مية مغلية وفيهاحبهان وورق لاورى وفلفل اسود والذى منه زى كدا وهو طبيعى بيقفل من الناحيتين لمايشم النار متخافيش
هتطلعى واحدة وتقطعيهابالسكينة اوتغرسى فيها الشوكة لقيتيهاسهلة يبقى تمام
الرز استوى ومفلفل والجلد كمان مبيشدش يبقى حلو
والممبار ميحلاش من غير الكرشة طبعا اللى بيحبها يدوس عالصورة
اللى يعجبه الموضوع ياريت يرفعه بالشير
تعليقات
إرسال تعليق