'طريقة عمل سمك فيليه بالصويا صوص

السمك الفيليه بصوص الصويا 

 1\2كيلو سمك فيليه 

1\4كوب صويا صوص

3 معالق كبار زيت زيتون 

توم مفروم 

فلفل اخضر

عصير ليمونة 

ملح 

فلفل اسود

كمون 

انا استخدمت فيليه قشر بياض انتى ليكى حرية الاختيار طبعا فى اى نوع يعجبك وانا بافضل انى يا اما اخلى السمك بنفسى او على الاقل لما اروح اشتريه اشوفه وهو بيتخلى قدامى مباجيبش حاجة جاهزة لا فيليه ولا بانيه بالذات لانك متضمنيش اليومين دول مفيش ضمير ربنايعافينا

وعملته بطريقة سهلةوسريعة وبسيطة جدا جدا

 هنغسل طبعا السمك كويس وعلشان تتخلصى من ريحة الزفارة يااما تغسلى بدقيق وليمون وخل او مية الرز جميلة جدا مبتخليش ريحة زفارة لاى حاجة لا أسماك ولا طيور 

ونجهز التتبيلة بتاعتنا التوم والفلفل الاخضر والملح والفلفل الاسودوالكمون وتدقيهم كويس او تفرميهم فى الكبة اللى يريحك عادى 

وتعصرى الليمون طبعا عليها وتضيفى زيت الزيتون والصويا صوص طبعا الملح يكون اقل من المعتاد لان صوص الصويا بيبقى مالح شوية 

وتبلت بيهم السمك وغطيت الطبق وسيبته 1\2 ساعة فى التلاجة علشان يتشرب التتبيلة 

وبعدين طلعته وجبت الصينية ودهنتها زيت بالفرشاة بسيط  علشان ميلزقش ورصيت السمك فيها 
طبعا لوتحبى تضيفى اى خضار تحتيه مفيش مشكلة بصل طماطم خضرة

ودخلته الفرن لحد ما استوى من تحت وبعدين ولعت عليه الشواية يتحمر من فوق وطلعته فى السرفيس وزينته بالكسبرة والبقدونس

ودا المقلى