طريقة عمل الليمون المعصفر

سبق وعملنا الليمون المخلل السريع ولو تحبوا تاخدوا فكرة عن اى نوع مخلل هتلاقوه فى قسم المخللات دا دوسى على الصورة بس

ليمون اصفر مش اخضر

فصين توم

فلفل حامى احمر او اخضر

ملح

جزر مبشور

عصفر

حبة البركة

كرفس (اختيارى)

عصيرليمون او مية

زيت للوش

طبعا هنختار الليمون الحلو مفيهوش اى اصابات ولا حاجة

ومبدئيا كدا الليمون المعصفر بياخد وقت كبير لحدمايستوى مش زى النوع اللى عملناه قبل كدا السريع يعنى

تقريبا ييجى شهر ونص كدا

وبيتخلل فى عصيرليمون صافى بس طبعا مش هنلاحق بقى فباحط النص مية ونص عصيرليمون وماشى الحال يعنى

اول حاجة بقى هنغسل الليمون كويس جدا من اى تراب عليه ونحطه فى مصفاة يتصفى

وزى مااتفقنا فى اى مخلل هنغلى المية ونسيبهاتبرد الاول علشان التعقيم وكمان علشان الريم اللى بيضايقناع الوش

وبعدين نقطعه كدا اربع ارباع طبعا مش للاخر

ونحضرالخلطة بتاعتنا نفرم الفلفل والملح والتوم مع بعض

والعصفر ياريت يكون اكتر من حبة البركة علشان ميسودش مننا لمايستوى

والملح يكون قد الاتنين اوك

ونبشر الجزر وياريت يكون كتير علشان يمتص المرارة اللى جواه

وبعدين نخلط باقى المكونات معاه دى الدقة لو بتحبيه حامى

وبعدها العصفر وحبة البركة والملح

ونقلب كويس جدا

كداالخلطة جاهزة وتحشى الليمون بالخلطة كويس وتدخليها جواه كويس جدا

و تجهزى البرطمان المعقم طبعا وياريت يكون ازاز احسن مفيش البلاستيك شغال

وترصى الليمون وعليه الفلفل الحراق لو بتحبيه بيبقى طعمه هايل مع الليمون

وبعدين ليمون وهكذا وممكن تحطى طبقة من الخلطة فى النص

وتكون اخرطبقة ليمون وهاتى قشرالليمون ورصيه فوق الليمون علشان يحميه ويبقى عازل عن الهوا ولو باظ بيترمى وتلاقى الليمون زى الفل

واكبسيه كويس وسيبى مكان متمليهوش اوى علشان المكونات دى هتتفاعل مع بعض وكمان الجو حر ميبهدلكيش المكان

وبعدين تحطى الملح وتدوبيه فى المية بتاعتك وتعرفى ازاى ان الملح مظبوط يااما تدوقيه يااما تجيبى بيضة مغسولة وتحطيها فى المية لونزلت يبقى لسه عاوزة ملح

لو طلعت على الوش كدا يبقى تمام كمية الملح مظبوطة

وتصبى السائل كله عليه مية وعصيرليمون بحيث بحيث يكون متغطى كويس

وبعدين زيت على الوش يعمل طبقة عازلة عن الهوا والبكتيريا

دا عادى بدون فلفل

ودا بالفلفل

ودى الكمية اللى عملتها السنة اللى فاتت بفضل الله لانى باهادى الحبايب

ودا بعدما استوى

يارب تكون الوصفة عجبتكم