طريقة عمل مشروب العناب

 طريقة عمل الكركدية البارد

 مشروب العناب من المشروبات الهايلة والجميلة والاقتصادية فى رمضان 

ودا بنعمله من الكركديه

كركديه

سكر 

مية

مكعبات تلج

تمرهندى( اختيارى)

هنجيب شوية كركديه وليكن 4معالق مثلا وتحطى عليهم لتر مية 

فى اضافة كمان لو  تحبى تضيفى له حتة تمرهندى ويتنقع شوية علشان مياخدش وقت

ويترفع على النار لماينزل اللون الجميل بتاعه 

وبعدين يتصفى كويس 

وبعدين تضيفى السكروتدوبيه كويس هو بياخدسكر كتير على بال مايحلى 

وبعدها تزوديه مية تانى ويتحط فى التلاجة يبرد 

وساعة التقديم حطى مكعبات تلج بيبقى روووعة جدا 

طريقة العناب على البارد

فى طريقة تانية على البارد انه يتنقع فى المية ليلة كاملة فى التلاجة وبعدها يتصفى ويتحلى بالسكر

ملحوظة مهمة جدا ياجماعة ياريت المشروب دا بالذات يتعمل ويتشرب فى نفس اليوم ميتخزنش لانه لاقدرالله ممكن يضرالكلى لانه بيرسب الاملاح فيها لو مش طازة

فوائد الكركديه والعناب

كلنا عارفين ان الكركديه مفيد جدا فى علاج ضغط الدم المرتفع 

بس الموضوع محتاج تفسير شوية بمعنى ان الكركديه السخن بيرفع الضغط مش بينزله 

اما العناب الساقع بيوطى الضغط فعلا 

1) يعمل على علاج ضغط الدم سواء كان مرتفعا أو منخفضا على حسب سخونة وبرودة الكركديه .وبشكل عام لا يفضل تناول الكركديه لأصحاب الضغظ المنخفض .

2) يعمل على زيادة سرعة دوران الدم ، بمعني يوزان من الدورة الدموية في الجسم .

3) يساعد الكركديه في تقوية ضربات القلب .

4) يحد من نمو الأورام السرطانية 

5) يساعد على تخفيف آلام النقرس والروماتيزم .

6) يحتوي على نسبة عالية من فيتامين c وبالتالي يساعد في علاج نزلات البرد وعلاج الكحة وارتفاع درجة حرارة الجسم

7) يساعد في معالجة حالات السل والسل الرئوي .

8) مهدئ لتقلصات الرحم والمعدة والأمعاء ويزيل الألم .

9)يحتوي على مواد مطهرة فيعمل على قتل الميكروبات والقضاء على أوبئة الكوليرا ، كما أنه فعال في القضاء على الديدان الشريطية والأسطوانية .

10) يحافظ على مستوى الكوليسترول والضغط في الدم .

11) يستعمل كمرطب ومنشط للهضم .

الأستعمالات الأخرى للكركديه :

– بدأت مصانع الأدوية والتجميل والحلوى والصابون تستعمل المواد الملونة المستخلصة من زهرة الكركدية في منتجاتها ،وإستبعدوا إستعمال مواد كيمائية لما لها من أثار جانبية ضارة .

إذا هو يستعمل كصبغة طبيعية:

للأدوية والأغذية وأدوات التجميل مثل احمر الشفاه ومساحيق التجميل وشمبوهات الشعر وصابون الحمام.

– يستعمل لزيادة تثبيت لون الشعر واكسابه لونا براقا .