الفينو الهش الطرى الاقتصادى
كل سنة وحضراتكم طيبين بمناسبة يوم عاشوراء
طبعا احنا دخلنا المدارس خلاص ومحتاجين اكيد فينو للسندوتشات يوميا
سبق وعملته بطريقتين تحفة النهاردة هنعمله بطريقة المخابز اقتصادية لابعد درجة مش مكلف خالص
ودى تطبيقات حبايبى على الفيس يسلموا
المقادير
نص كيلو دقيق
2معلقة زيت
رشة ملح
معلقة سكر
مية دافية تقريبا كوباية
معلقة خميرة فورية اوبيرة
ربع معلقة صغيرة محسن خبز (اختيارى)
بديل محسن ا لخبز
(معلقة دقيق ونص معلقة سكر ونص بيكنج بودر ومعلقتين خل )
بديل محسن ا لخبز
(معلقة دقيق ونص معلقة سكر ونص بيكنج بودر ومعلقتين خل )
سائل التلميع
لبن
او لبن وسكر
اولبن وصفاربيضة وفانيليا
اولبن ونسكافيه
او لبن حليب ومعلقتين بودرة
او لبن حليب ومعلقتين بودرة
او معلقة زيت بس
او حتى مية
او حتى مية
للتزيين
سمسم وحبة البركة
طريقة عمل فينو المخابز
اظن ولا اسهل من كدايلا نسم الله ونشتغل
لوعندك عجان او حتى مضرب بيض هنستعمله لومفيش نتعامل يدوى بقى
هنجيب العجان ونركب الحلزوني او كف العجين الموجود فى جهازك ونحط الدقيق والخميرة لو فورية لو خميرة بيرة
لا طبعا ومحسن الخبز والسكروالملح والزيت ونقلبهم شوية بحيث المكونات دى كلها تمتزج مع بعض ونطلع الرطوبة منها
ونضيف المية تدريجيا لحدماتلاقيها مش محتاجة ممكن تاخد كمية المية كلها وممكن لا وممكن تاخد اكتر حسب نوع الدقيق بتاعك
ونشغل علي السرعة الاولي 3 دقائق علشان الموتور مايتحرقش لان العجينة تقيلة
ولما العجينة تلم وتبيض هنعلي السرعة لمدة 4 دقائق ولما نتاكد انها مش بتلزق في العجان وقفى وطلعيها ورشة دقيق عالرخامة وخديها اديها عجنة تمام كدا
طيب اللى معندهاش عجان بقى اوتحب تشتغل بايدها زى حالاتى كدا نفس الطريقة برضه بس المدة هتكون اطول لازم تخدمى العجينة كويس لو مسكتيها وشديتى منها قطعة واتقطعت زى كدا تبقى لسه محتاجة عجن
لو معندكيش المحسن هنستخدم البديل دا معلقة دقيق ونص معلقة سكر ونص بيكنج بودر ومعلقتين خل وتعجنيهم مع بعض وهتلاحظى ان الخليط بيفور علشان تفاعل الخل مع البيكنج بودر ودا بيرفع العجينة ويديها هشاشة وهتلاقى لونها ابيض علشان الخل
لو معندكيش المحسن هنستخدم البديل دا معلقة دقيق ونص معلقة سكر ونص بيكنج بودر ومعلقتين خل وتعجنيهم مع بعض وهتلاحظى ان الخليط بيفور علشان تفاعل الخل مع البيكنج بودر ودا بيرفع العجينة ويديها هشاشة وهتلاقى لونها ابيض علشان الخل
اعجنيها تانى لحد ماتبقى بالشكل دا
بالنسبة للى هيشتغل بالخميرة البيرة يبقى هتشيلى معلقة السكرمن المقادير اللى هنخلطها وتدوبى الخميرة بيها وشوية مية دافية وسيبيها لماتتفاعل وحجمها يزيد
وانتى بتعجنى تضيفيها بقى
بعدكدا لوتحبى تشكليها على طول اوك بس انا بافضل انها تخمر مرتين مرة حاليا ومرة تانية بعدالتشكيل لوعاوزة تقطعيها دلوقتى برضه اوك
هنغطى العجينة بكيس نايلون وخليها ترتاح 10دقايق او اكترحسب حرارة الجو علشان لما تتفرد تبقى مرنة معاكى ومتشدش وتغلبك
طريقة التشكيل
بعدما العجينة خمرت قطعتها ولو الجو برد بادهنها زيت واغطيها ببلاستيك علشان وشها مينشفش وتشقق لانى باعمل كمية محترمة وبتاخدوقت
وبعدين نفردها بالنشابة هتلاقيها سهلة جدا جدا لانها خمرانة كويس ودا الفرق بين لو شكلتيها على طول هتلاقيها بتلم معاكى ولو سيبتيها تخمر شوية وياريت تكون واخدة شكل مربع او مستطيل مش دايرة علشان ميبقا ش العيش تخين
وبعدين لفيها رول زى كدا واعملى الاحجام اللى تناسبك بقى
واقفليه من الجناب كويس بايدك وبعدين ترصيه فى الصاج من غير اى دهون فيه لو تحبى تفردى ورقة زبدة اوك مفيش خلاص
بحيث تكون القفلة بتاعته من تحت علشان ميفتحش منك وتسيبى مسافة مناسبة لانه هيزيد بعدمرحلة التخمير التانية
اسيبها في مكان دافئ لمدة ساعة ولوالجو برد ممكن نشغل الفرن يسخن شوية اقل من دقيقة كدا ونحطه جواه يتخمر
او اغلى شوية مية وحطيهم فى صينية او صاج فى دولاب التخمير او الفرن واحط الصاخ فوقيها واقفل عليها لغاية مايتضاعف حجمها
ولو تحبى تدى له شرطة بسكينة حامية زى كدا اوك
وهندهنه بسائل التلميع بتاعنا وبفرشاة بسرعة وعلى خفيف علشان ميهبطش تخميره
ونرش السمسم وحبة البركة لوتحبى وممكن اصلا تستغنى عنهم وعن سائل التلميع كمان
ودخلته الفرن متسخن قبلها على 220 لو بمروحة هياخد 12 دقيقة بس
ولو مفيهوش مروحة هياخد وقت اكتر طبعا من 20 الي 25 دقيقة
وبعدين نزلتها شوية ممكن لحد180 عادى المهم وخلى بالك يكون متسخن قبلها
ولو فرن البوتاجاز تابعيه بقى حسب فرنك وداشكله لما طلع
لما يطلع من الفرن وعلشان يفضل طرى تجيبى بخاخ مية وترشيه بسيط كدا او تبلى فوطة او قماشة وتعصريها كويس جدا بحيث تكون يدوبك مندية بس علشان ميبقاش ناشف من فو ق ويعمل قشرة قاسية وعملت منه كيزر وشوية بقسماط
وبعدين لما يتهوى يتغطى بقماشة لوهتستعمليه اليوم دا او شيليه بكيس
وممكن تعملى كمية وتشيلى الباقى فى الفريزر وتطلعبه يفك قبل الاستعمال
تكونى مجهزة حلة فيها شوية مية مغلية وعليها مصفاة بتاعةالمكرونة دى وتحطى العيش فيها وتغطيه بفوطة بحيث ان البخار اللى هيطلع هيسخنه ويطريه كمان ولو فى زيادة الفوطة هتمتصه
تكونى مجهزة حلة فيها شوية مية مغلية وعليها مصفاة بتاعةالمكرونة دى وتحطى العيش فيها وتغطيه بفوطة بحيث ان البخار اللى هيطلع هيسخنه ويطريه كمان ولو فى زيادة الفوطة هتمتصه
انا بحبه دايما بالسمسم وحبة البركة لوتحبيه سادة اوك
تكات مطبخ ام عمرو خالد
1-طبعا العجينة دى بيتعمل منها اى معجنات فينو بيتى بان توست وكيزر وكمان بيتزا
2-الدقيق اللى نستعمله مهم جدا يكون دقيق مخبوزات مش اى نوع تانى لان اى عجائن محتاجة دقيق تكون نسبة الجلوتين فيه عالية يعنى له عرق بالبلدى كدا مينفعش تخبزى بدقيق كيك وتورتات مثلا
3-انابحب اوى اشتغل بالخميرة البيرة مش الفورية زى ماالشيفات دايما بيشتغلوا بس النتيجة مش هتفرق كتير طبعا المهم النوعية تكون كويسة ومجرباها او اختبريها قبل ماتشتغلى بيها وبى جزء منها بمعلقة سكر فى شوية مية دافيه ولو عليت تبقى تمام نشتغل بيها هى المفروض بتتخلط مع المقاديرالجافة مبتدوبش بالمية بس انا حبيت اعرفكم ازاى تختبروها علشان العجين ميبوظش منك
4-لو مش لاقية محسن خبزمفيش مشكلة خالص نستغنى عنه وضيفى معلقتين زبدة ولبن بودرة هتديكى نفس النتيجة هو كل مهمته انه بيخليه طرى لاطول مدة ممكنة لوهتعملى كميات زى المخابز لوهتعملى كمية قليلة استغنى عنه عادى او استخدمى البديل زى ماقلت بالوصفة
5--المعجنات يستحسن تخمر مرتين ويفضل انها تتشكل بعد ماتخمر مش قبل علشان تكون مرنة ومتكشش منك لماتفرديها
6- لازم تخدمى العجينة كويس اوى يعنى تديهاحقها بالعجن مش اقل من ربع ساعة علشان نطلع الجيلوتين اللى جواها ومتبقاش مكتومة لماتستوى
7-الفرن لازم يكون سخن الى حد ما لان لو درجة الحرارة هادية واقل من المطلوب المخبوزات هتقعد فترة طويلة فى الفرن والسوايل هتتبخرمنها وبالتالى هتلاقيها ناشفة
7-الفرن لازم يكون سخن الى حد ما لان لو درجة الحرارة هادية واقل من المطلوب المخبوزات هتقعد فترة طويلة فى الفرن والسوايل هتتبخرمنها وبالتالى هتلاقيها ناشفة
8-لوتحبى تضيفى اى اضافة براحتك ممكن لبن حليب او زبادى او حليب بودرة او بيضة وزبدة
انا هنا مش هاضيف اى حاجة وعملته ارديحى يعنى ههههههه
لانى سبق وعملت موضوعين بالاضافات دى وادى لينك الفينو بعجينة العشر دقايق المعروفة للى يحب ياخدفكرة دوسى عالصورة
ودا الفينوبطريقة الشيف حسن
يارب الطريقة تعجبكم وطمعانة بدعوة بتيسيرالحال وفك الكرب
تعليقات
إرسال تعليق