احلى مخلل كرنب ملفوف
المقادير
كرنب (ملفوف)
ملح
شطة
خل
مية
طريقة عمل مخلل الملفوف
صباح الفل يابنات طبعا كلنا بنحب المحشى وبالذات الكرنب فى الشتا دا لانه بيعطى احساس بالدفء
وبيتبقى عندك من الكرنبة العروق وفى ناس كتير بترميها
احنامتعودين اننا نستفيد بيها ونخللها بتبقى جميلة جدا ولو عندك ورق كرنب كمان قطعيه حسب ماتحبى وكل مايكون اصغر كل ماهيستوى بسرعة لومستعجلة قطعيه زى بتاع السلطة كدا
حطى الكرنب فى مصفاة او حلة وعليه ملح وشطة للصبح هتلاقيه نزل ميته
فى برطمان ازاز معقم هنحط الكرنب بالميه اللى نزلت منه مع شوية خل
و شوية ميه لو احتاج وابقى ظبطى الملح و ما تخليهوش مالح قوى لاننا اصلا حطيناله ملح قبل كدا
ولو تحبى تزودى بنجر يدى لون اوك او ملفوف احمر ولو مفيش خلاص هى الشطة بتلونه اصلا
وبعد اسبوع هتلاقيه استوى وبقى زى الفل
لو عندك الكرنب مسلوق اصلا شغال برضه هنعمله مش لازم يكون نىء
بس الفرق انه مش هياخد وقت خالص ممكن تاكلى منه بنفس اليوم وبيبقى جميل برضه
لو بتدورى على اى نوع مخلل تانى هتلاقيه فى قسم المخللات دوسى عالصورة دى هتحولك فورا
تعليقات
إرسال تعليق