طريقة عمل مخلل الخيار

طريقة تخليل الخيار 

خيارصغير 

خل 

ملح 

سكر

 ثوم

فلفل اخضر

طريقة التخليل 

الخيار من اسهل انواع المخلل ومبيحتاجش وقت خالص ولا اى تكنيك 

الاول ياريت يكون الخيار  بلدى بيكون احلى فى التخليل من الخيار الصوبة 

لومفيش خلاص استعملى الصوب وهنختار الخيار اللى حجمها متناسق مع بعضه ميكونش كبير من تحت ومنفوخ ومن فوق صغير لان دا بيبقى فاضى من جوا وبيبوظ فى التخليل 

وياريت يكون حجمه صغير على قدماتقدرى 
رشة السكر دى بتخليه مقرمش مش مهرى 
ولو عاوزاه يقعد فترة اكبر عندك بلاش خل 

ونجهز المية بتاعتنا كالعادة هنغليها ونسيبها تبرد

 ونعقم البرطمان بتاعنا برضه ويفضل يكون ازاز والخطوة دى مهمة جدا للمخلل وكمان المربى البيتى 

هتغلى مية فى حلة وتسقطى فيهاالبرطمان بتاعك ياخدغلوة طلعيه بدون ماتلمسيه بايدك طبعا 

ودخليه الفرن على الرف الاولانى وعلى نارهادية خمس دقايق كدا لحدماينشف من ميته 

 كدا بقى تمام وجاهززى الفل 

وبعدين هنرص الخيار بالبرطمان ونضيف التوم ولو حابة تحطى فلفل حراق اوك 

وممكن تضيفى شرايح ليمون لو بتحبيه مززولو عاوزة تضيفى لون حطى بنجر

وننزل بالمية بتاعتنا وتقفلى البرطمان كويس بكيس الاول علشان نعزله عن الهوا خالص 

ومفيش 5 ايام او اسبوع حسب حجمه هتلاقيه استوى وزى الفل ان شاءالله 

2-مخلل الخيار السريع 

طيب لو انتى محتاجة مخلل سريع ومش هتنتظرى اسبوع نعمل ايه 

عادى هنعمله برضه بس فى الطريقة دى

 هنغلى المية والملح والخل والسكر وبعدين نسيب الخليط يهدى شوية 

ونحطه على الخيار المقطع مش سليم علشان يستوى بسرعة 

وممكن تضيفى له اى اعشاب تدى تست حلو روزمارى اوزعتر او  شبت مفروم حسب رغبتك مع فصين توم شرايح 

ودخليه التلاجة يوم كامل بعدها تقدرى تاكليه بالف هنا

 لو حابة تاخدى فكرة عن باقى انواع المخلل دوسى عالصورة دى