بهارات الكحك
المقادير
نص معلقة قرفة مطحونة
نص معلقة قرنفل مطحون
نص معلقة حبهان مطحون
نص معلقة كبابة صيني مطحونة
نص معلقة جوزة الطيب مطحونة
معلقة زر ورد مطحونة
معلقة محلب مطحون
اقل من ربع معلقة شمرمطحون
مبدئيا كدا لو البهارات دى مش موجودة عندك مفيش مشكلة خالص بنعمل الكحك من غيرها ومبتفرقش كتير
بس احنا فى مصر اتعودنا اننا نستعملها
المكونات دى ممكن تستغنى عن الشمر لو مش بتحبيه بس احنا حاطين نسبة قليلة جدا مش هتأثر على الطعم
ولو تحبى تضيفى اى توابل تانية دى حسب رغبتك
التوابل انابافضل اشتريها حصى واطحنها عندى انضف
بعدما نطحن كل التوابل دى هنخلطهم كويس اوى
ولمانيجى نعمل الكحك هناخد منهم معلقة لكل كيلو دقيق والباقي احفظيه في التلاجة
انامتعودة احفظ اى توابل بالتلاجة والدقيق كمان
ودا الكحك بتاعى يارب يعجبكم طبعا الطريقة معروفة وتكاد تكون واحدة انما اللى انا اضفته ومش هتلاقوه فى اى مكان تانى التكات الى تديكى كحك المحلات دايب دوب وطعمه خطير
ونزلته باكترمن طريقة دوسى على الصورة هتحوك للموضوع
ربنا يصلح حالك ويبعد عنك كل شر اللهم امين
ردحذفاللهم امين يارب انا وانت والله احلى دعوة
حذفيا تري ايه سبب اني الكحك يفرش هل هو عيب دقيق
ردحذفايوه طبعا الدقيق هنا بيفرق كتير لازم يكون دقيق مخصص للحلويات علشان ميطردش السمن وكمان ميبقاش له عرق والكحك يطلع ناشف
حذفاما لو فرش مع استخدام نوع دقيق حلو يبقى الخميرة كتير او حضرتك تركتيه مدة كبيرة يختمر او الجو حر فخمر بسرعة
دا موضوع هيفيدك
ردحذفhttps://omamrkhaled.blogspot.com/2018/07/How-to-make-kahk.html