طريقة عمل العجمية لحشو كحك العيد

العجمية اللذيذة لكحك العيد

المقادير

كوباية الا ربع عسل نحل

نص كوباية دقيق

نص كوباية سمنة او زبدة

مكسرات مقطعةاو مجروشة
سمسم

اول حاجة هنجهز العجمية للحشو علشان تبرد قبل ما نبس الكحك

هتسيحي سمنة بلدي وتنزلي عليها بالدقيق كانك هتعملي وايت صوص اوبشاميل زي ماحنا عارفينه لو هتحطى سمسم ضيفيه دلوقتى ياخدتشويحة مع الدقيق
ويدوبك يدخل علي انه يصفر ارفعيه عن النار متسيبهوش يغمق

وضيفي عسل نحل وقلبي كويس
 (ولو عندك ملبن ممكن تنقصى ربع كوباية عسل وتضيفى ملبن بدالها الاول يسيح وبعدين تضيفى نص كوباية عسل)
ورجعيه يستوي علي نارهادية هتلاقى الخليط بقى اتقل وبدأ يلف يعنى يبقى له سمك كدا

وقوام وكل ماسيبتيه اكتر كل ماتقل وبعدين طفي وضيفي سمسم ومكسرات مجروشة خشن  لوتحبي

لمايبرد وتكوريها زي الملبن وممكن تستغنى عن الخطوة دى خالص وتضيفى معاها مكسرات صحيحة يعنى بندقة جواها وانتى بتكوريها