جمبرى الغلابة البساريا المقلية ولا اروع

البساريا المقلية بافضل طريقة

النهاردة هنعمل احلى وارخص سناكس بحرى

البساريا اللى بيسموها جمبرى الغلابة السمكة دى مظلومة جدا جدا

مع انها بتتعمل وصفات كتير وسعرها رخيص لايذكر اصلا

هى تشبه الانشوجة اووى

دى الطريقة فيديو

سمك بساريا

ملح وكمون

توم وليمون

فلفل

دقيق

زيت

طريقة تنضيفها سهلة جدا جدا وفى ناس بتعملها بدون تنضيف لان حجمها صغير

بتمسكى السمكة من راسها وتسحبيها بالامعاء كدا
وبعدين تتغسل بدقيق وليمون ومية وهى مش زفرة خالص اصلا على فكرة

وبعدين تحضرى التتبيلة ممكن من غير توم لو مش حابة

انما احناعارفين ان السمك روحه فى الليمون والتوم والكمون وطبعا رشة ملح

وتتقلب مع التتبيلة دى وبعدين تحطيها فى دقيق ورشة بسيطة نشا ولوتحبى كركم للون الدهبى الجميل

وتتقلى فى زيت غزير وبالف هنا وشفا

جربوها على ضمانتى

ومتنسوش تزوروا قناتى على اليوتيوب

مطبخ ام عمرو خالد