طريقة بسكويت بيمبو
السلام عليكم ورحمته وبركاته
ازيكم ياجماعة عاملين ايه بقالنا كتير مفيش وصفات جديدة
بس ان شاء الله هنتابع مع بعض وننزل بكل جديد
النهاردة هنعمل بسكويت محبوب اوى عند اطفالنا بسكويت بيمبو الغرقان بالشيكولاتة
يارب يعجبكم
المكونات
٢كوباية دقيق
نص كوباية سكربنى
اوسكر بودرة مع معلقة عسل اسود
بيضة كبيرة
نص كوباية زيت على زبدة
معلقة بيكنج بودر
فانيليا او بشر برتقال
ذرة ملح
التزيين
ربع كيلو شيكولاتة خام
معلقة زبدة
معلقة لبن
الطريقة
نفس طريقة عمل اى بسكويت
الزبدة تكون بدرجة حرارة الغرفة
ونضربها مع السكروالزيت لحدماتبقى كريمة
بعدكدا البيضة والفانيليا او بشر برتقال اوليمون ونضرب تانى
واخيرا نخلط المكونات الجافة ونضيفها اللى هى الدقيق الملح البيكنج بودر
وتلمى العجينة باليد مش تعجنى كتير علشان الزبدة هتفصل من الحرارة
وسيبيها ترتاح شوية ممكن ربع ساعة والزبدة تمسك بالتلاجة لو الجو حر او بالمطبخ لو برد
وبعدين تفرديها بالنشابة علشان تكون ارتفاعها واحد ومتساوية وقطعيها حسب رغبتك بقى وباى شكل يعجبك
ورصيه فى اى صاج اوصينية مدهونة زيت
وندخله الفرن علي درجة حرارة متوسطة لحد ما يحمر من تحت نفتح الشواية يتحمر وشه
وسيبيه يبرد حدماتسيحى الشيكولاتة طبعا على حمام مائى زى مااحنا عارفين ومعاها معلقة زبدة تدى لها لمعة شوية
وناخد منها جزء نضيف له معلقتين لبن علشان داهيكون الحشو يكون طرى شوية عن التوبينج اللى هنغلفه بيه
ونحشي كل بسكوتين بالشيكولاتة ونلزقهم ببعض
وحطيهم فى الشيكولاتة حدمايتغطوا تماما من كل ناحية وسيبيهم على شبكة سلك يصفى الزيادة
وبعدين يتقدموا بالف هناوشفا
ولوحبيتى تزودى رشة شيكولاتة بيضا مفيش مانع
ودى كان عندى قالب سليكون رصيت فيه كذا واحدة زى كدا وحشيتهم كان شكلها تحفة
يارب الوصفة تعجبكم
الى اللقاء فى وصفات احلى واحلى جاية